काठमाडौं । गुल्मीमा गाडी दुर्घटना हुँदा एकजनाको मृत्यु भएको छ। पाँच जना घाइते भएका छन्।

रूपन्देहीको बुटवलबाट गुल्मीको देउरालीतर्फ आउँदै गरेको सुदूरपश्चिम प्रदेश १००१ ज १३८५ नम्बरको ‘फोर्स’ गाडी शुक्रबार साँझ करिब ६ बजेको समयमा मुसिकोट नगरपालिका-४ दजाकोटमा दुर्घटना हुँदा रेसुङ्गा नगरपालिका-८ का ४५ वर्षीय रविनकुमार श्रीषको मृत्यु भएको जिल्ला प्रहरीका कार्यालय गुल्मीले जनाएको छ।

दुर्घटनामा गम्भीर घाइते भएका श्रीसको गुल्मी अस्पतालमा उपचारको क्रममा मृत्यु भएको हो। दुर्घटनामा मृतक श्रीसकी पत्नी वसन्ती र उनका छोरा एक्सन पनि घाइते भएका छन्।

गाडी चालक दिपक सुनार, माधव आचार्य र गंगा भट्टराई पनि घाइते भएका प्रहरीले जनाएको छ। घाइतेहरुलाई गुल्मी अस्पतालमा सामान्य उपचारपछि थप उपचारका लागि पाल्पा ‘रेफर’ गरिएको छ । घाइते पाँचै जनाको अवस्था सामान्य रहेको प्रहरीले जनाएको छ।