काठमाडौं २७ मंसिर ।   एमाले उपाध्यक्ष विष्णु पौडेलले पार्टीको ११औं महाधिवेशनमा अध्यक्षमा केपी शर्मा ओली नै निर्विकल्प रहेको बताएका छन् । उपप्रधान तथा अर्थमन्त्रीसमेत रहेका उपाध्यक्ष पौडेलले अध्यक्ष ओलीविरुद्ध आगामी महाधिवेशनमा कसैले पनि उम्मेदवारी नदिने ठोकुवा गरेका हुन् ।

राष्ट्रिय समाचार समितिसँगको कुराकानीमा उपाध्यक्ष पौडेलले सिंगो राष्ट्रलाई सफल नेतृत्व प्रदान गरेका कारण ओलीविरुद्ध कसैले उम्मेदवारी नदिने बताएका हुन् । अब हुने नेकपा ९एमाले०को एघारौँ राष्ट्रिय महाधिवेशन नीति र नेतृत्व दुवै प्रश्नमा पूर्ण सहमतिका साथ सम्पन्न हुनेछ । अन्य पदहरुमा निर्वाचन भएछ भने पनि मूल नेतृत्वमा, अध्यक्ष पदमा निर्वाचन हुने कुनै सम्भावना छैन । नेकपा एमालेलाई मात्र होइन, सिंगो राष्ट्रलाई सफल नेतृत्व प्रदान गर्नुभएका पार्टी अध्यक्ष केपी शर्मा ओलीज्यूका विरुद्ध कसैले उम्मेवारी दिन्छ भन्ने मलाई लाग्दैन, पौडेलले भनेका छन् ।

एमालेमा ओलीसँग तुलना गर्नयोग्य अरु कुनै नेता नै नभएको समेत उनले बताएका छन् । उहाँको क्षमता, सक्रियता र नतिजामूलक कामसँग तुलना गर्ने अर्को कुनै नेता नेकपा ९एमाले०मा छैन । अनि किन खोज्नु पर्‍यो नेतृत्वको विकल्प रु नेतृत्व भनेको रहरको विषय पनि होइन,ु उपाध्यक्ष पौडेलले भनेका छन् ।

त्यस्तै उपाध्यक्ष पौडेलले ओलीलाई ुविलक्षण प्रतिभाको धनीु को संज्ञासमेत दिएका छन् । त्यतिमात्र होइन, उनले ओलीलाई ुइनसाइक्लोपेडियाु नै भनेका छन् । उनी भन्छन्, ुउहाँ एकपटक देखेको, सुनेको र भोगेको प्रसंग कहिल्यै नबिर्सने असाधारण स्मरण शक्ति भएको ‘इन्साइक्लोपेडिया’ जस्तो विलक्षण प्रतिभाको पनि धनी हुनुहुन्छ ।ु अध्यक्ष ओलीमा अप्ठ्यारोलाई सजिलोसँग भोग्न सक्ने र सजिलोलाई सामान्य रूपमा लिन सक्ने असाधारण खुबी भएको समेत उनले बताएका छन् ।

एमालेभित्र कुनै अन्तरविरोधसमेत नभएको उपाध्यक्ष पौडेलको भनाइ छ । ुनेकपा ९एमाले० एउटा यस्तो पार्टी हो, जहाँ नीति र नेतृत्वको प्रश्नमा कुनै मतभेद छैन । हामी जनताको बहुदलीय जनवादको मार्गदर्शनमा नेपाली समाजको क्रान्तिकारी रुपान्तरणका लागि क्रियाशील छौँ । जनताको बहुदलीय जनवाद र दशौँ राष्ट्रिय महाधिवेशनका निष्कर्षहरुप्रति सिंगो पार्टी पंक्ति गहिरो विश्वास छ । त्यसैगरी पार्टी अध्यक्ष केपी शर्मा ओलीज्यूप्रति समस्त पार्टी पङ्क्तिको उच्च सम्मान र भरोसा छ,ु उनी भन्छन् ।

एमालेको विधानअनुसार हरेक ५ वर्षमा महाधिवेशन हुनुपर्छ । यसअघि २०७८ मंसिर १० देखि १३ सम्म चितवनको सौराहामा एमालेको दशौँ महाधिवेशन भएको थियो । उक्त महाधिवेशनमा ओलीका विरुद्ध भीम रावलले उम्मेदवारी दिएका थिए । सर्वसम्मत रूपमा नेतृत्व चयन गर्ने भनिए पनि विभिन्न पदमा प्रतिस्पर्धा भएको थियो । एमालेको विधानअनुसार ५ वर्षको अन्तरालमा महाधिवेशन गर्ने भनिए पनि ६र६ महिना गरी १ वर्षसम्म पछि सार्न सकिने व्यवसथा छ । विधानअनुसार एमालेले २०८३ मसिंरभित्र आगामी महाधिवेशन गर्नुपर्नेछ ।