काठमाडौं १९ मंसिर । नेपाली कांग्रेसका नेता कृष्णप्रसाद सिटौलाले पार्टीमा विकृति उत्कर्षमा रहेको बताएका छन् । विकृति समाधान गरी पार्टी संगठित र एकताबद्ध भएर अगाडि बढ्नु पर्ने समय आएको छु, सिटौलाले भने, ‘पार्टीमा समझदारी, एकता भएन । कमजोरीहरुबाट पाठ सिकेर अहिलेको व्यवस्थामा जनताकै लागि काम गर्नु पर्ने अवस्था आएको छ ।’

देशमा भएको परिवर्तनहरु कांग्रेसको नेतृत्वमा भएको र जनताको चाहना पूरा गर्न पार्टी दृढ संकल्पित रहेको उनको भनाइ छ ।

कांग्रेस जिल्ला कार्यसमिति महोत्तरीले बुधबार जलेश्वरमा अयोजना गरेको कार्यकर्ता भेटघाट कार्यक्रममा सिटौलाले पार्टीभित्र एकता समझदारी नहुँदा गर्नसक्ने काम पनि कांग्रेसले नगरेको कमजोरी स्वीकारे । ुभनेको गर्ने र गरेको मात्रै भन्ने पार्टी कांग्रेस हो,ु सिटौलाले भने,‘अहिलेको सरकार धोका पछिको बाध्यात्मक सरकार हो ।’

गठबन्धनको सरकार मिलाएर चलाउन नसक्दा सरकार लामो समयसम्म टिकाउन समस्या भइरहेको उनले बताए । व्यवस्था फेर्न जतिसुकै मिहिनेत गरे पनि सरकार फेरिने क्रम पार्टीले रोक्न नसक्दा समस्या झन् बल्झिदै गएको उनले बताए ।

भेटघाट कार्यक्रममा नेता, कार्यकर्ताहरुले पार्टीको केन्द्रीय तहमा राजनीति गर्नेहरु आर्थिक लाभका लागि अनियमितता बढाएको, कार्यकर्ताको मूल्यांकन नगरी आर्थिक चलखेल गरी निर्वाचनमा टिकट दिएर उम्मेदवार बनाउन मनोबल कमजोर भएको आरोप लगाएका छन् ।