काठमाडौं २० कात्तिक । श्रीलङ्काली मूलका अमेरिकी क्रिकेटर लाहिरु मिलन्थाले जनकपुर बोल्ट्सबाट पहिलो संस्करणको नेपाल प्रिमियर लिग ९एनपीएल० क्रिकेट खेल्ने भएका छन् ।

विकेटकीपर ब्याटर मिलन्थालाई चौथो विदेशी खेलाडीका रूपमा टोलीमा अनुबन्ध गरेको जनकपुर बोल्ट्सले जनाएको छ । अमेरिकी क्रिकेटर मिलन्थाले ४६ टी–२० क्रिकेटमा चार अर्धशतकसहित एक हजार ८२ रन बनाएका छन् ।

योसँगै जनकपुरले विदेशी खेलाडीको कोटा पूरा गरेको छ । जनकपुरले यसअघि पाकिस्तानका मुहम्मद मोहसिन, अमेरिकाका जोशुआ ट्रोम्प र न्युजिल्यान्डका जेम्स नीशमलाई अनुबन्ध गरेको थियो ।जनकपुर बोल्ट्सको मार्की खेलाडी राष्ट्रिय टोलीका विकेटकीपर ब्याटर आसिफ शेख छन् भने मुख्य प्रशिक्षक पुबुदु दासानायके छन् ।

नेपाल क्रिकेट सङ्घ क्यान को आयोजनामा एनपीएलको पहिलो संस्करण आउँदो मङ्सिर १५ गतेदेखि पुस ६ गतेसम्म हुँदैछ । प्रतियोगितामा सहभागी आठ टोलीले चार जना विदेशी खेलाडी अनुबन्ध गर्न पाउनेछन् ।