काठमाडौं २ कात्तिक । नेकपा एमालेका नेता विष्णु रिजालले सहकारी ठगीमा राष्ट्रिय स्वतन्त्र पार्टीका सभापति रवि लामिछाने पक्राउ पर्दा आकाश नखस्ने बताएका छन् ।

पक्राउ पुर्जी जारी भएपछि रविले सरकार मरेको टिप्पणी गरेपछि रिजालले ‘सरकार मरेको होइन, सक्रिय भएको छ’ लेखेका हुन् ।

यस अघि आफ्नै सरकार भएको बेला बालकृष्ण खाँण र कृष्णबहादुर महरा पक्राउ परेको भन्दै उनले ६५ करोडको हिनामिनाको जवाफ दिन पनि आग्रह गरेका छन् ।

रवि लामिछानेलाई पक्राउ गर्न पुर्जी जारी हुनु न खुसीको कुरा हो न दुःखको । कानूनले आफ्नो बाटो लिन्छ, लिनुपर्छ । गृहमन्त्री भइसकेका कृष्णबहादुर महरा, बालकृष्ण खाँणहरू आफ्नै पार्टीको सरकार भएको बेला पक्राउ पर्दा आकाश खसेन, राजनीतिक प्रतिशोध भएन,’ उनले सामाजिक संजालमा लेखेका छन्, ‘रविजी पक्राउ पर्दा चाहिँ के आकाश खस्छ रु कानूनलाई सघाउनुस्, ६५ करोड बारे जवाफ दिनुस्, अदालतले न्याय दिइहाल्छ नि ।