काठमाडौं १ कार्तिक । वैदेशिक रोजगारीका लागि अस्ट्रेलिया जानेले पनि युरोप अमेरिका र जापान जाने सरह नै राहदानी बापतको सटही सुविधा पाउने भएका छन् । अहिले जापान, दक्षिण कोरिया, युरोप, संयुक्त राज्य अमेरिका र क्यानडामा कामको लागि जानेले राहदानी बापत पाँच सय अमेरिकी डलर सटही सुविधा पाउँदै आएका छन् ।

यसबाहेकका अरू देशमा रोजगारीका लागि जानेले दुई सय डलरसम्म मात्रै सटही सुविधा पाउँछन् । अब अस्ट्रेलियामा रोजगारीमा जानेले पनि पाँच सय डलरसम्मको सटही सुविधा पाउने भएका हुन् । यस्तै अब विदेश जानेले राहदानी बापत विदेशी मुद्रा सटही गर्दा भ्रमणको उद्देश्य खुलाउनुपर्ने भएको छ ।

राष्ट्र बैंकका अनुसार व्यावसायिक वा औपचारिक भ्रमण, उपचार, स्थायी बसाइ ९प्रथम पटक० अस्थायी रोजगार, शिक्षा, अध्ययन र अन्य व्यक्तिगत भ्रमणमध्ये के प्रयोजनका लागि जान लागेको हो, त्यसको विवरण खुलाउनुपर्ने हुन्छ