काठमाडौं २० असोज । मध्यक्रमका ब्याटर आरिफ शेख आगामी मंसिर तेस्रो सातादेखि हुने नेपाल प्रिमियर लिग एनपीएल मा सुदूरपश्चिम रोयल्समा अनुबन्ध भएका छन्।

आइतबार काठमाडौँमा भएको अक्सनमा उनलाई सुदूरपश्चिमले १५ लाख रुपैयाँमा खरिद गरेको हो। शेखले आफ्नो सुरुवाती मूल्य १० लाख राखेका थिए।

उनलाई खरिद गर्नका लागि कर्णाली, सुदूरपश्चिम र काठमाडौँबीच प्रतिस्पर्धा भएको थियो भने गोलाप्रथाबाट सुदूरपश्चिमले आफ्नो पोल्टामा पा¥यो।

घरेलु क्रिकेट टोलीमा राम्रो प्रभाव छाड्दै आएका उनी टी–२० आईमा स्थान बनाउने संघर्षमा छन्।

नेपाल क्रिकेट संघ ९क्यान० को आयोजनामा भइरहेको अक्सनमा सहभागी ८ टिमले समान १० खेलाडी खरिद गर्दैछन्।

आगामी मंसिर १५ देखि पुस ६ गतेसम्म काठमाडौँमा हुने लिगमा एक टोलीमा १६ खेलाडी रहेनछन्। जसमा मार्की, चार विदेशी र एक ट्यालेन्ट हबाट टिममा अनुबन्ध हुनेछन्।

पछिल्लो वर्ष नेपाल टी–२० लिग भए पनि विवादपछि दोस्रो संस्करण हुनै सकेन।

आयोजनाको जिम्मेवारी पाएको भारतीय सेभेन थ्री स्पोर्टस् कम्पनी भागेपछि क्यानले सम्झौता रद्द गरेको थियो।

मार्की खेलाडीमा कुशल भुर्तेल पोखरा एभेन्जर्स, करण केसी काठमाडौं गुर्खाज, कुशल मल्ल चितवन राइनोज, रोहित पौडेल लुम्बिनी लायन्स, सन्दीप लामिछाने विराटनगर किंग्स, आसिफ सेख जनकपुर रोयल्स, सोमपाल कामी कर्णाली याक्स र दीपेन्द्रसिंह ऐरी सुदूरपश्चिम रोयल्स रहेका छन्।