काठमाडौं १८ असोज । पाकिस्तानको सर्वोच्च अदालतले बिहीबार सांसदहरुले प्रमुख मुद्दाहरुमा आफ्नो पार्टीबाट अलग भएर मतदान गर्नसक्ने फैसला गरेको छ । यसले संवैधानिक सुधारका लागि समर्थन जुटाउने प्रयासमा रहेको सरकारलाई सांसद खरिदबिक्रीको अनुमति दिनेछ ।

गत फेब्रुअरीमा भएको निर्वाचन धाँधलीले प्रभावित भएको थियो र यसबाट प्रधानमन्त्री शहबाज शरिफलाई फाइदा पुगेको थियो । अस्थिर गठबन्धन सरकारका प्रमुख शरिफसँग संविधान परिवर्तन गर्न आवश्यक दुई(तिहाई बहुमतको अभाव छ ।

उहाँले कथितरुपमा कार्यपालिकालाई न्यायपालिकामाथि अधिक शक्ति दिने योजना बनाइरहनुभएको छ । न्यायपालिकामा जेलमा रहनुभएका विपक्षी नेता इमरान खानविरुद्ध दर्जनौँ मुद्दा चलिरहेका छन् । बिहीबारको फैसलाले शरिफको सरकारलाई व्यक्तिगत सांसदहरुको मत माग्न र खानको पाकिस्तान तहरिक(ए(इन्साफ ९पिटिआई० पार्टीप्रति वफादार सांसदहरुलाई समर्थनका लागि दबाब दिन अनुमति दिनेछ ।

“यसले संवैधानिक संशोधनका लागि उनीहरुको बाटो खोलिदिएको छ, यो शासक दलले पिटिआईलाई कमजोर पार्न पनि प्रयोग गरिरहेको छ”, राजनीतिक विश्लेषक जाहिद हुसेनले भन्नुभयो । सन् २०२२ को सर्वोच्च अदालतको एउटा फैसलामा पार्टी लाइन पार गरेका सांसदहरुको मत संवैधानिक संशोधन, अविश्वासको मत र प्रधानमन्त्रीको निर्वाचनजस्ता प्रमुख मतगणनामा गणना नगरिने उल्लेख छ ।

यद्यपि बिहीबारको फैसलाले त्यो फैसलालाई ‘सर्वसम्मति’ ले फिर्ता लिएको छ । प्रधानन्यायाधीश काजी फाएज इसाले अदालतमा विस्तृत फैसला पछि जारी गरिने बताउनुभयो । विपक्षी दलहरुले शरिफको सरकारले प्रस्ताव गरेको संशोधनले संविधानमााथि निर्णय गर्न नयाँ अदालत सिर्जना गर्ने र त्यसको प्रमुख न्यायाधीश प्रधानमन्त्रीले छान्ने बताएका छन् ।

सर्वोच्च अदालत र अन्य पाकिस्तानी न्यायाधिकरण नयाँ अदालतको फैसलाको अधीनमा रहने छन् । पिटिआईका वकिल अली जाफरले भन्नुभयो, “यो संवैधानिक संशोधनले न्यायपालिकालाई मात्र नभई लोकतन्त्र र संविधान आफैँलाई पनि कमजोर बनाउनेछ ।” खानलाई फेब्रुअरीको निर्वाचनमा भाग लिन प्रतिबन्ध लगाइएको थियो र उहाँका अनुसार राजनीतिकरुपमा प्रेरित भएको आरोप लगाइएका मुद्दाहरुमा उहाँ जेलमा हुनुहुन्छ ।

पूर्व अन्तर्राष्ट्रिय क्रिकेट स्टार खानप्रति वफादार उम्मेदवारहरु उक्त निर्वाचनपछि संसद्मा सबैभन्दा ठूलो समूह बने तर शासन गर्न आवश्यक बहुमत पुर्याउन असफल भए । शरिफको पाकिस्तान मुस्लिम लिग नवाज ९पिएमएल(नवाज० पार्टीले शक्तिशाली सैन्य प्रतिष्ठानको नजिक मानिने अन्य दलहरुसँग सरकार बनाउन सम्झौता गर्यो ।

यद्यपि नियमित सडक प्रदर्शन गर्दै र संसद्मा सरकारलाई चुनौती दिँदै पिटिआई एउटा सक्रिय विपक्षी शक्ति रहेको छ । खानले आफूविरुद्धका धेरै भ्रष्टाचारको आरोपमा मुद्दाहरु विभिन्न अदालतहरुमा नचाएको देख्नुभएको छ । एकहत्तर वर्षीय खान एक वर्षभन्दा बढी समयदेखि जेलमा हुनुहुन्छ । पिटिआईले शुक्रबार राजधानी इस्लामाबादमा नयाँ विरोध प्रदर्शनको आह्वान गरेको छ । राससरएएफपी