सिन्धुली । सिन्धुलीका माइक्रोबस दुर्घटना हुँदा १५ जना घाइते भएका छन् ।

शुक्रबार विहान काठमान्डौबाट विराटनगर हिँडेको बा ५ ख ६६१८ नम्बरको माईक्रोबस विपी राजमार्गको कमलामाई नगरपालिका वडा नं. ८ सिस्नेरीमा दुर्घटना हुँदा हायस चालकसहित १५ जना घाइते भएका छन ।

माइक्रोबस अनियन्त्रित भई नालीमा ठोक्किएर दुर्घटना भएको जिल्ला प्रहरी कार्यालय सिन्धुलीका एसपी गोविन्दराज काफ्लेले जानकारी दिए । उनका अनुसार घाईतेहरुको सिन्धुली अस्पतालमा उपचार भईरहेको छ ।

दुर्घटनामा परि मोरङको सुन्दरहरैचा नगरपालिका–९ का अनुज सुन्दास, सुन्दरहरैचा-१९ का प्रकाश उप्रेती, सुनसरीको इटहरी उपमहानगरपालिका – १९ का सिसम घिमिरे, झापा विर्तामोड नगरपालिका- ५ का समिर तामाङ, सुनसरीको इटहरि उपमहानगरपालिका-६ की विजया तिमल्सिना, मोरङ लेटाङ नगरपालिका–६ का गोपाल नेपाली, मोरङ लोटाङ–१ का दिपेश राई घाईते भएका छन ।

यस्तै मोरङको मधुमल्ला गाउँपालिका (९ का बम बहादुर खड्का र नेत्र बहादुर खड्का, पाँचथर याङवरक गाउँपालिका- ४ का विक्रम सुन्दास र सुजन सुन्दास, धनकुटाको मदलक्षिन नगरपालिका- १ का गोरख बुढाथोकी, मोरङको सुन्दरहरैंचा नरपालिका- १ का उपेन्द्र खतिवडा, विराटनगर महानगरपालिका ८ का अतुल कटुवाल र तेह्रथुम छत्रश्रीमा–६ का तिर बहादुर लिम्बु घाईते भएको काफ्लेले बताए ।