काठमाडौं १७ असोज । साविक विजेता रियाल म्याड्रिडलाई युइएफए च्याम्पियन्स लिग फुटबलमा लिलेको झट्का लागेको छ । बुधबार राति भएको खेलमा रियल लेलेसँग उसैको मैदानमा १–० गोलले पराजित भयो ।

लिलेको जितमा जोनाथन डेभिडले पहिलो हाफको इन्जुरी समयमा पेनाल्टीमार्फत गर्नुभएको गोल निर्णायक बन्यो । लिगमा लिलेको यो पहिलो जित हो । दुई खेल खेलेको रियलको पहिलो हार हो । अर्को खेलमा क्लब बर्गले एसके स्ट्रम ग्रजलाई १–० गोलले हरायो । डाइनामो जाग्रेब र मोनाकोले २–२ गोलको बराबरी खेल्दै अङ्क बाँडेको छ ।

अन्य खेलमा लिभरपुलले आफ्नो विजयी यात्रा जारी राख्ने क्रममा बोलोग्नालाई २–० गोलले हराएको छ । लगातार दोस्रो जितसँगै लिभरपुलले ६ अङ्क बनाएको छ । यस्तै युभेन्ट्सले दोस्रो नित निकालने क्रममाआरबी लेइजपजिगलाई उसैको मैदानमा ३–२ गोलले हरायो ।

दोस्रो जितसँगै युभेन्ट्सले पनि ६ अङ्क बनाएको छ । अर्को खेलमा एस्टन भिल्लाले बयार्न म्युनिखलाई १–० गोलले स्तब्ध बनायो । लगातार दोस्रो जितसँगै एस्टनले ६ अङ्क बनाएको छ । एजेन्सी