काठमाडौं ३ असोज । ११ दिनदेखि विरोध प्रदर्शन गरिरहेका छन्। जसका कारण कम्पनीको उत्पादनमा ठूलो गिरावट आएको छ।

कर्मचारीहरूले सामसङले आफ्नो नवगठित श्रमिक युनियन इन्डियन लेबर वेलफेयर युनियन ९एसआईएलडब्ल्यूयू० लाई मान्यता दिनुपर्ने माग गरिरहेका छन्।

यस युनियनमार्फत कम्पनी व्यवस्थापनसँग राम्रो ज्याला र काम गर्ने समयका लागि वार्ता गर्न सकिने कर्मचारीले बताएका छन्।

चेन्नईमा रहेको सामसङ प्लान्टमा करिब दुई हजार कर्मचारी काम गर्छन्, जहाँ घरमा प्रयोग हुने उपकरण बनाइन्छ।

बीबीसी हिन्दीका अनुसार सामसङले भारतबाट हरेक वर्ष १२ करोड डलर कमाउँछ र यो कमाइको करिब एकतिहाइ चेन्नई प्लान्टबाट आउँछ।

सामसङ इन्डियाले विज्ञप्ति जारी गर्दै कर्मचारीको हितलाई कम्पनीको प्राथमिकतामा राखेको जनाएको छ। उसले भनेको छ– हामीले चेन्नई प्लान्टमा आन्दोलनरत कर्मचारीहरूसँग वार्ता सुरु गरेका छौँ। कर्मचारीका सबै समस्या छिट्टै समाधान गर्छौं।’

बिनाअनुमति र्‍याली निकाल्ने १०४ कर्मचारीलाई प्रहरीले नियन्त्रणमा पनि लिएको थियो। तर, पछि रिहा गरियो।