काठमाडौं, २० भदौ । एबीसी टेलिभिजन  १७ औं वर्षमा प्रवेश गरेको छ । गाउ शहर र दुनिया ब्यूझाउने अभियानलाई मुल मन्त्र बनाउंदै आएको एबीसी टेलिभिजनले १७ औं वर्षमा प्रवेश गरेको अवशरमा औपचारिक कार्यक्रम गरेको छ ।

बार्षिकोत्सव समारोहलाई सम्बोधन गदै एबीसी मिडिया ग्रुपका अध्यक्ष तथा प्रधानसम्पादक शुभशंकर कंडेलले एबीसी न्युजले उठाएका मुद्दा राष्ट्रिय राजनीतिमा मार्गदर्शक हुने गरेको बताउनुभयो । एबीसी टेलिभिजनले मुलुकको समृद्धिलाई मुख्य विषयवस्तु बनाउने बताउदै, अध्यक्ष कंडेलले एबीसी न्युजले उठाएका एजेण्डाहरु स्थापीत हुदै गएको पनि बताउनुभयो ।

एबीसीले आफ्नो स्थापनादेखि नै मुलधारको मिडिया भन्दा फरक रुपमा प्रस्तुत भएको भन्दै अध्यक्ष क“डेलले आगामी दिनमा पनि गरिब, दुखि जनताको पक्षमा निरन्तर आवाज उठाउने बताउनुभयो । यस अवसरमा टेलिभिजनले दर्शक, शुभचिन्तक र सेवा प्रदायक संस्था, विज्ञापनदाता, कर्मचारी, सहयोगी सबैलाई धन्यवाद ज्ञापन गरेको छ । साथै एबीसी टेलिभिजनमा कार्यरत कर्मचारीहरुलाई विभिन्न विधामा सम्मान समेत गरेको छ ।