काठमाडौं ३१ साउन ।   भक्तपुरको गट्ठाघरमा ट्राफिक प्रहरीले चेकजाँचका लागि रोकिराखेको स्कुटरलाई ठक्कर दिँदा महिलाको ज्यान गएपछि स्थानीय ट्राफिक प्रहरीप्रति आक्रोशित बनेका छन्।

ट्राफिक प्रहरीका कारण महिलाले ज्यान गुमाएको भन्दै अहिले ट्राफिकविरुद्ध नाराबाजी भइरहेको छ।

आक्रोशित स्थानीयले ठक्कर दिने ट्रकमा आगो लगाउनुका साथै केही सवारी साधनमा तोडफोड गरेका छन्। ट्रकमा लगाइएको आगो भने प्रहरीले तत्काल निभाएको छ।

गठ्ठाघरको अवस्था तनावपूर्ण, सशस्त्र प्रहरी परिचालन
गट्ठाघरमा ट्राफिकले रोकिराखेको स्कुटरलाई ट्रकले घिसार्‍यो, महिलाको मृत्यु भएपछि तनाव

अवस्था तनावपूर्ण बनेपछि अहिले त्यहाँ सशस्त्र प्रहरी परिचालन गरिएको छ।

बा ४९ प ८९४४ नम्बरको स्कुटर ट्राफिक प्रहरीले रोकेर चेकजाँच गरिरहेको थियो। तर ना ६ ख २१७३ नम्बरको ट्रकले एक्कासि ब्रेक लगाउँदा स्कुटरलाई करिब २० मिटर घिसारेको हो।