काठमाडौं २० साउन । अमेरिका र बेलायतले आफ्ना नागरिकहरूलाई सकेसम्म चाँडो लेबनान छोड्न आह्वान गरे लगत्तै इरान समर्थित मानिने लडाकु समूह हिजबुल्लाहले ड्रोन हमला शुरु गरेको छ । हिजबुल्लाहले इजरायलमा मिसाइल प्रहार गरेको तलअभिभले जनाएको सीएनएनले जनाएको छ । इरान समर्थित लेबनानी मिलिसियाको आक्रमणलाई इजरायलको आइरन डोम रक्षा प्रणालीले रोके पनि मध्यपूर्व क्षेत्रमा पूर्ण स्केनको युद्ध भड्कने बादल मडारिएको भन्दै पश्चिमी विश्वका मिडियाले चिन्ता जाहेर गरेका छन् । बुधबार इरानमा हमासका राजनीतिक नेता इस्माइल हानियाहको हत्यापछि इरानले मध्यपूर्वमा द्वन्द्व बढाउने डर बढ्दै गएको भन्दै न्यूयोर्क टाइम्सले विस्तृत विवरण दिएको छ।
वासिङ्टन र जेरुसेलमका अधिकारीहरूले इरान र यसका प्रोक्सीहरूले आइतबारसम्ममा इजरायलमा आक्रमण गर्न सक्ने अनुमान गरेका छन्, एक्सियोस समाचार साइटका अनुसार, गत हप्ता हिजबुल्लाह सैन्य प्रमुख फुआद शुकर र हमास प्रमुख इस्माइल हानियाहको हत्याको बदलामा उनीहरुले त्यस्तो आक्रमणको तयारी गरेको बताएको छ ।

अमेरिकी सेन्ट्रल कमान्डका प्रमुख जनरल माइकल कुरिल्ला इरानी आक्रमणको खतराका लागि रक्षा तयारीसँग मेल खाने योजनाबद्ध यात्रामा हिजो मध्यपूर्व आइपुगेका छन् ।

पेन्टागनले शुक्रबार मध्यपूर्वमा लडाकू जेट स्क्वाड्रनका कैयौं खेप पठाउँदे इजरायल र अमेरिकी सेनाको रक्षा गर्न अमेरिकी सैन्य उपस्थितिलाई बलियो बनाउन यस क्षेत्रमा सैन्य विमान वाहकलाई पनि तैनाथ गरेको छ ।

इजरायल र अमेरिकाले सम्भावित आक्रमणलाई विफल पार्न क्षेत्रीय र अन्तर्राष्ट्रिय गठबन्धनको समन्वय गरिरहेका बताइएको छ ।

उता गाजामा, इजरायलले विस्थापित प्यालेस्टिनीहरूका लागि आश्रयको रूपमा काम गरिरहेको विद्यालयमा बम प्रहार गरेको र कम्तिमा १७ जनाको मृत्यु भएको बताएको छ।गाजामा अहिलेसम्म इजरायली आक्रमण परी ४० हजारभन्दा बढी महिला, बृद्ध र केटाकेटी समेत मारिएका छन् । गाजा क्षेत्र खुला आकाशमुनिको मुद्राघरको रुपमा परिणत भएको भन्दै युएन सहायता एजेन्सीहरुले चिन्ता जनाएका छन् । गाजा क्षेत्रमा भोकमरीका साथै पिउने पानीको समेत अभावमा केटाकेटीहरु मरिरहेका अलजजिराले उल्लेख गरेको छ । त्यस क्षेत्रमा पोलियो रोगसमेत फैलिएको बताइएको छ । गाजामा सवैतिरबाट नाकाबन्दी गरेर इजरायलले जमिन र आकाशबाट बम प्रहार गरिरहेको छ ।