काठमाडौं १८ साउन । रुस र अमेरिका सहितका पश्चिमदेश बीच शितयुद्ध समाप्ती पछि सवैभन्दा ठूलो परिणामा कैदी साटासाट भएको छ । रूसी जेलबाट मुक्त एक दर्जन भन्दा बढी पश्चिमी नागरिकहरू बोकेको विमान मेरिल्याण्डको अमेरिकी एयरबेसमा अवतरण भएको एबीसीन्यूजले जनाएको छ । । राष्ट्रपति जो बाइडेन र उपराष्ट्रपति कमला ह्यारिसले विमानबाट गेटमै पगेर उनीहरुलाई स्वागत गरेका थिए ।
रिहा गरिएका मध्ये रुसले मस्को विरुद्ध जासुसीको आरोप लगाएर १६ वर्षको जेल सजाय सुनाइएका अमेरिकी पत्रकार इभान गेर्शकोभिच र पूर्व समुद्री पल व्हेलन समेत रहेका छन् । मस्कोलाई पश्चिमी सरकारहरूले पूर्व गुप्तचर अधिकारी र हत्याराको आरोप लगाइएका र जर्मनीको जेलमा रहेका भादिम क्रासिकोभसहित धेरै रूसी नागरिकहरूलाई छाडेका छन् । रुसी विमानस्थलमा राष्ट्रपति पुटिने उनीहरुलाई पुष्प गुच्छा दिएर स्वागत गरेका थिए ।
सात देशहरूका बीचमा भएको गोप्य सम्झौताअनुसरा बाइडेन प्रशासनले उनीहरुलाई रिहा गराउन सफल भएको बताइएको छ । यो घटनालाई बाइडेनको कूटनीतिक विजय भन्दै रूसको प्रजातन्त्र समर्थक आन्दोलनलाई सघाइरहने बताएका छन् ।
रिपब्लिकनका राष्ट्रपति उम्दवार डोनाल्ड ट्रम्पले भने बाइडेन मस्कोका अघि झुकेको आरोप लगाएका छन ।
सोभियत सङ्घको पतनपछि पहिलो पटक, मस्कोले बन्दी साटासाटको एक हिस्साको रूपमा यो कदम उठाएको न्यूयोर्क टाइम्ले उल्लेख गरेको छ । जम्म १६ जनालाई रूसी हिरासतबाट मुक्त गरिएको छ । यसको बदलामा पश्चिमले आठ जना रुसी नागरिकलाई लाई मुक्त गरेको छ । टाइम्सका अनुसार टर्कीको राजधानी अंकाराको अन्तर्राष्ट्रिय विमानस्थलमा बन्दी आदानप्रदान भएको थियो । संयुक्त राज्य अमेरिका, जर्मनी, पोल्याण्ड, स्लोभेनिया, नर्वे र रसियाका २४ कैदीहरू बोकेका सात वटा जहाज अंकारमा अवतरण गरेको टर्कीका गुप्तचर अधिकारीले बताएका छन् ।
प्रतिक्रिया दिनुहोस्