काठमाडौं । नेपाली कांग्रेसका सभापति शेरबहादुर देउवाले प्रधानमन्त्री पुष्पकमल दाहाल प्रचण्डलाई स्व. गिरिजाप्रसाद कोइरालाको शताब्दी जन्मजयन्तीको उपलक्ष्यमा आयोजित फोटो प्रदर्शनीको अवलोकन गराएका छन् ।
नेपाली कांग्रेसले काठमाडौँमा आयोजना गरेको ‘क्रान्तिदेखि शान्तिसम्म’ विषयक फोटो प्रदर्शनीमा प्रधानमन्त्री प्रचण्ड सहभागी भएर फोटो अवलोकन गरेका हुन् ।
प्रचण्डलाई कांग्रेस सभापति शेरबहादुर देउवा लगायतका शीर्ष नेताहरूले प्रदर्शनीको अवलोकन गराएका थिए ।
राजनीतिक समीकरण फेरबदलका लागि कांग्रेसले नेकपा एमालेसँग समझदारी गरेपछि प्रधानमन्त्री प्रचण्ड र कांग्रेस सभापति शेरबहादुर देउवाबीच भएको यो पहिलो भेटवार्ता हो।
प्रचण्ड शीतलनिवासमा राष्ट्रपति रामचन्द्र पौडेललाई भेटेर फोटो प्रदर्शनीमा पुगेका थिए ।
प्रतिक्रिया दिनुहोस्