काठमाडौं १६ असार । कांग्रेस सभापति शेरबहादुर देवाले पार्टीका पदाधिकारी र पूर्वपदाधिकारीको बैठक बोलाएका छन् । बैठक बुढानिलकण्ठस्थित देउवाको निवासमा सोमबार दिउँसो ३ बजे बस्ने छ ।

प्रवक्ता प्रकाशसरण महतले सभापति देउवाले पछिल्लो राजनीतिक घटनाक्रमका विषयमा छलफल गर्न सोमबार दिउँसो बैठक बोलाएको बताए ।

सभापतिजीले पदाधिकारी र पूर्वपदाधिकारीहरुको बैठक बोलाउनुभएको छ । हाम्रो पार्टीको आन्तरिक विषयहरुमाथि छलफलका लागि बैठक बोलाइएको हो, प्रवक्ता महतले इकान्तिपुरसँग भने, ुअरु राजनीतिक विषयहरुमा पनि छलफल होला ।  सभापति देउवाले शनिबार एमाले अध्यक्ष केपी शर्मा ओलीसँग लामो छलफल गरेका थिए ।

उक्त छलफल कुनै राजनीतिक फेरबदलका लागि हो कि भन्ने आशंका भइरहेका बेला कांग्रेसको पदाधिकारी बैठक बस्ने लागेको हो । एमाले र माओवादीको सत्तासहयात्रामा केही चिसोपन आइरहेका बेलाले शनिबार देउवा र ‌ओलीले लामो संवाद गरेका थिए ।

त्यसपछि आइतबार अध्यक्ष ओली र प्रधानमन्त्री पुष्पकमल दाहालबीच सिंहदरबारमा छलफल भएको छ ।