काठमाडौं ३० जेठ । जनमत पार्टीका अध्यक्ष चन्द्रकान्त ९सीके० राउतले मुलुकमा प्रत्यक्ष निर्वाचित कार्यकारी प्रधानमन्त्री हुने शासकीय व्यवस्था हुनुपर्ने बताएका छन् ।

विद्यमान राजनीतिक अस्थिरतालाई चिर्नका लागि पनि संघमा प्रत्यक्ष निर्वाचन प्रधानमन्त्री र प्रदेशमा पनि प्रत्यक्ष निर्वाचित हुने शासन व्यवस्था हुनुपर्ने अडानमा आफ्नो पार्टी रहेको राउतको भनाइ थियो ।

नेपाल समाजवादी पार्टीले बुधबार काठमाडौंमा आयोजना गरेको स्थापना दिवस कार्यक्रममा अध्यक्ष राउतले मुलुकमा प्रधानमन्त्री कतिखेर नरहने हो भन्ने खालको राजनीतिक अस्थिरता भएकाले पनि ती समस्यालाई समाधान गर्नका लागि शासकीय स्वरुपमा परिवर्तन गरेर अघि बढन उपयुक्त हुने धारणा राखे । उनले संसद्लाई दलतन्त्र लागू गर्ने थलोको रुपमा विकास गर्न नहुने बताए ।

‘हामी कहाँ संघीय लोकतान्त्रिक गणतन्त्र भयो । यो धेरै ठूलो उपलब्धि हो । धेरै सकारात्मक परिवर्तन हो । यो व्यवस्था ल्याउन भूमिका खेलेकोमा पुराना पार्टीहरूलाई हामी धन्यवाद पनि दिन्छौं । तर, देशले अहिले के भोगिराखेको छ भने एउटा अस्थिरताको शिलशिला सुरु भयो । म पटकपटक भन्ने गर्छु– प्रधानमन्त्री बिहान उठेर म प्रधानमन्त्री हो कि होइन भनेर सोच्नुपर्ने हुन्छ,ु राउतले भने, ुत्यतिधेरै अस्थिरताको वातावरण छ । प्रदेश सरकारहरू पनि हरेक हप्ता नै ढल्ने हो कि भन्ने यहाँ देखिन्छ । यस्तो खालको अस्थिरताको वातारण यहाँ छ । त्यसकारण निकास दिनका लागि हामी प्रत्यक्ष निर्वाचित कार्यकारी संघ र प्रदेशमा जानुपर्छ भन्ने पक्षमा हामी छौं । संसद्मा ह्वीप लगाउने व्यवस्था पनि हुनु हुँदैन, दलतन्त्र लाग्ने व्यवस्था हुनुहुँदैन ।’

अध्यक्ष राउतले संसद्मा ह्वीप लागू गर्ने कुराले सांसदहरूलाई स्वविवेकले कानुन निर्माण गर्न नदिएकाले त्यस्तो व्यवस्था राख्न नहुने तर्क गरेका थिए ।