काठमाडौं २२ जेठ । नेकपा एमालेका सचिव गोकर्ण विष्टले आगामी आर्थिक वर्षको बजेट सन्तुलित भएपनि कार्यान्वयन चुनौतिपूर्ण रहेको बताएका छन् ।
प्रतिनिधिसभाको मंगलबारको बैठकमा आगामी आर्थिक वर्ष २०८१र०८२ को बजेटमाथिको छलफलमा सहभागी हुने क्रममा बजेट सन्तुलित भएपनि कार्यान्वयन चुनौतीपूर्ण रहेको बताए ।
अर्थमन्त्री वर्षमान पुनले बजेट सन्तुलित ल्याएको सांसद विष्टको भनाइ थियो । उनले सरकारले करका दर यथावत वा तयारी वस्तुभन्दा कच्चा पदार्थमा पैठारी महसुल कम्तिमा १ प्रतिशत कम गर्नु बजेटको सकारात्मक पक्ष रहेको बताए ।
चालु खर्च ६१ प्रतिशत, पुँजीगत १९ प्रतिशत, वित्तीय व्यवस्था २० प्रतिशतको जुन कहालि लाग्दो अवस्था देखापरेको विष्टको भनाइ थियो । ‘आगामी आर्थिक वर्षको बजेट सन्तुलित आएको छ । करका दर यथावत वा तयारी वस्तुभन्दा कच्चा पदार्थमा पैठारी महसुल कम्तिमा १ प्रतिशत कम गर्नु सकारात्मक पक्ष छन् । चालु खर्च ६१ प्रतिशत, पुँजीगत १९ प्रतिशत, वित्तीय व्यवस्था २० प्रतिशतको जुन कहालीलाग्दो अवस्था देखापरेको छ ।
यसका लागि सार्वजनिक पुरावलोकन उच्च स्तरीय आयोगको सिफारिसलाई कार्यान्वयन गर्नको लागि संसद्मा साझा सहमतिका साथ अगाडि जान सकेनौं भने विकास र पुँजीगत खर्च केवल सपनामा मात्रै सिमित हुने अवस्था छ,ु उनले भने, ुअहिलेसम्म ८ खर्ब ७५ अर्ब राजश्व प्राप्त भएको अवस्था छ । तर आगामी आर्थिक वर्षको लागि १२ खर्ब ६० अर्बको लक्ष्य बढी चुनौतीपूर्ण देखिन्छ । वैदेशिक अनुदानको हिसाबले हेर्दा हालसम्म १५ अर्ब मात्रै अनुदान प्राप्त भएको छ ।
गत वर्ष ५० अर्ब अनुमान गरिको थियो आगामी आर्थिक वर्षमा ५२ खर्बको अपेक्षा राखिएको छ यो पनि यथार्थसँग मेल खाने सम्भावना कम छ । आन्तरिक ऋणबाट ३ खर्ब ३० अर्ब उठाउने अपेक्षा राखिएको छ । आन्तरिक ऋण बढी लिएको अवस्थामा निजी क्षेत्रमा जाने कर्जा संकुचित हुने, बैंकको ब्याजदर बढ्ने,निजी क्षेत्रले उत्पादनवृद्धि र रोजगारी गर्ने सम्भावना कम हुने अवस्था छ । यो विषयमा अर्थमन्त्री गम्भीर हुन जरुरी छ ।ु
बजेटको ११ प्रतिशत मात्रै पुँजीगत खर्च भएको अवस्था रहेको विष्टको भनाइ थियो । ुबजेटले पाँच उद्देश्य, प्राथमिकता, रणनीति र रुपान्तरणकारी क्षेत्र छुट्याएको छ । त्यसको अनुपातमा कार्यक्रममा विनियोजन भएनकी भन्ने लाग्छ । कृषि दशक भनिएको छ तर यही वर्षको बजेटमा कृषि क्षेत्रमा बजेट घटाएको छ ।
सूचना प्रविधि दशक भनिएको छ । यही बजेटले बजेट कम गरेको छ । १६ लाख पर्यटक भित्र्याउने भनिएको छ तर पूर्वाधारहरू पोखरा र गौतमबुद्ध अन्तर्राष्ट्रिय स्थल चलाउने उद्घोष भएको छैन । आर्थिक वृद्धि ६ प्रतिशतको अनुमान गरिएको छ । उत्पादनमुलक क्षेत्रमा लगानी वृद्धि नगरेसम्म कसरी आर्थिक वृद्धि मेल खान सक्छ । त्यसले बजेटका केही अभाव देखिएका छन्,’ उनले भने ।
प्रतिक्रिया दिनुहोस्