काठमाडौं १५ जेठ । सरकारले आगामी आर्थिक वर्ष २०८१/०८२ को बजेट ल्याएको छ । संघीय संसदको बैठकमा अर्थमन्त्री वर्षमान पुनले बजेट प्रस्तुत गर्दैछन् ।
अर्थमन्त्री पुनले आगामी आर्थिक वर्षलाई आर्थिक सुधारको वर्ष घोषणा गरिएको बताएका छन् ।
शिथिल रहेको मुलुकको अर्थतन्त्र सरकारको प्रयासमा चलायमान हुँदै गएको अर्थमन्त्रीले बताएका छन् ।
अर्थमन्त्री वर्षमान पुन आर्थिक वर्ष २०८१/८२ को राजस्व र व्ययको वार्षिक अनुमान पेश गर्न रोष्ट्रममा पुगेका छन् ।
संघीय संसदको संयुक्त बैठक सुरु भएको छ । यो बैठकमा अर्थमन्त्री वर्षमान पुनले आर्थिक वर्ष २०८१/८२ को बजेट पेश गर्नेछन् । बजेट पेश गर्ने दिन संसदमा निजी क्षेत्रका प्रतिनिधिहरु पनि सहभागी हुने प्रचलन छ ।
आर्थिक वर्ष २०८१/८२ को बजेट वक्तव्य प्रस्तुत गर्न अर्थमन्त्री वर्षमान पुन संघीय संसद भवन नयाँ बानेश्वर आइपुगेका छन् ।
प्रतिक्रिया दिनुहोस्