काठमाडौँ । अर्थमन्त्री वर्षमान पुनले आर्थिक सर्वेक्षण, २०८१ प्रतिनिधिसभामा पेश गरेका छन् ।
प्रमुख प्रतिपक्षी नेपाली काँग्रेसहितको विपक्षीको विरोध र होहल्लाकैबीच अर्थमन्त्री पुनले आर्थिक सर्वेक्षण पेश गरेका हुन् ।
सभामुखले अर्थमन्त्री पुनलाई संसदमा आर्थिक सर्वेक्षण पेश गर्न समय दिएपछि प्रतिपक्षी सांसदहरुले अर्थमन्त्रीलाई संसदतर्फ जान रोकेका थिए । त्यसबेला सत्तापक्षका सांसदहरु अर्थमन्त्री पुनलाई अवरोध नगर्न भन्दै प्रतिपक्ष सांसदहरुलाई सम्झाउन खोज्दा धकेलाधकेल समेत भएको थियो ।
प्रतिपक्षी सांसदहरुको अवरोधका बीच सत्तापक्ष सांसदहरुले अर्थमन्त्रीलाई रोष्टमतर्फ जान सहजीकरण गरेका थिए ।
सहकारी काण्डलाई लिएर प्रतिपक्षीले गृहमन्त्रीमाथि संसदीय छानविन समितिको माग गर्दै निरन्तर संसद् अवरोध गर्दै आएको छ ।
प्रतिक्रिया दिनुहोस्