काठमाडौं । वैदेशिक रोजगार व्यवसायी गणतान्त्रिक मञ्चको टोलीले संस्कृति, पर्यटन तथा नागरिक उड्डयनमन्त्री हितबहादुर तामाङसँग भेटवार्ता गरेको छ ।

मञ्चका कार्यवाहक अध्यक्ष ज्ञानबहादुर तामाङको नेतृत्वमा गएको टोलीले मन्त्री तामाङलाई सफल कार्यकालको शुभकामना दिएका छन् ।

सो अवसरमा मञ्चका महासचिव एवं नेकपा (माओबादी केन्द्र)का उद्यमी व्यवसायी महाशाखाका उपाध्यक्ष कुन्छा दोर्जे डिम्दोङ्गले हवाई जहाज कम्पनीहरुले गरिरहेको ज्यादतीप्रति ध्यानाकर्षण गराए ।

बजेट एरलाइन्सहरुले अहिले एक्कासी भाडा दर डबल गरेकोको साथै ४–५ घन्टाको उडानमा बजेट एरलाइन्सको नाममा खान त परको कुरा पानीसम्म नदिने गरेको महासचिव डिम्दोङको भनाइ थियो ।

वार्षिक १२ खर्ब रिमिट्यान्स भित्र्याएर देशको अर्थतन्त्र चलायमान गर्ने नेपालीहरुप्रति गरेको अन्यायका विषयमा महासचिव डिम्दोङले दुःख दिने एरलाइन्स भएपनि दोष जति बैदेसिक रोजगार व्यवसायीलार्इ देखाउने गरेकोप्रति दुःख व्यक्त गरे ।

मन्त्री तामाङले समस्याप्रति आफू गम्भीर रहेको भन्दै सत्य तथ्यको खोजी गरिने बताए ।