काठमाडौं, ८ फागुन । देउवा सरकारले सरकारले राष्ट्रियसभामा सिफारिस गरेका ३ जनाको नाम फिर्ता लिँदै उनीहरुको ठाउँमा नयाँ ३ जनाको नाम सिफारिस गरेको छ । यसअघि शेरबहादुर देउवा नेतृत्वको सरकारले कृष्णप्रसाद पौडेल, गोपाल बस्नेत र चाँदनी जोशीलाई राष्ट्रियसभामा सिफारिस गरेको थियो ।
उहाँहरु तीनै जना कांग्रेस निकट हुनुहुन्थ्यो । तर त्यो सिफारिसलाई राष्ट्रपति कार्यालयले कार्यान्वयन नगरी त्यत्तिकै थन्क्याएर राखेको थियो । मंगलबारको बैठकले देउवा सरकारले गरेको सिफारिस रद्द गरेर नयाँ सिफारिस गरेको हो ।
आज विहान मंगलबार बसेको मन्त्रिपरिषद बैठकले उनिहरुको ठाउमा युवराज खतिवडा, रामनारायण बिडारी र बिना पौडेल राईलाई राष्ट्रियसभा सदस्यमा सिफारिस गरेको हो ।
५९ सदस्यीय राष्ट्रियसभामा ३ जना सरकारको सिफारिसमा राष्ट्रपतिले मनोनयन गर्ने संवैधानिक व्यवस्था छ । हरेक प्रदेशबाट ८–८ जनाका दरले राष्ट्रियसभामा ५६ जना भने निर्वाचित भइसकेका छन् ।
प्रतिक्रिया दिनुहोस्