पोखरा ११ माघ । राष्ट्रियसभा निर्वाचनअन्तर्गत गण्डकी प्रदेशका तीनै सिटमा सत्ता गठबन्धनका उम्मेदवार विजयी भएका छन्।
गण्डकी प्रदेशबाट महिला क्लष्टरमा नेकपा माओवादी केन्द्रकी मनरुपा शर्मा विजयी भइन्।
उनले ३ हजार ६ सय ६० मतभार पाइन्। शर्माले स्थानीय तहतर्फ ९५ र प्रदेशसभा तर्फ ३५ जनाको मत पाइन्।
एमालेकी सम्झना देवकोटाले २ हजार ५ सय ५३ मतभार ल्याइन्। उनले स्थानीय तर्फ ७३ र प्रदेशतर्फ २२ जनाको मत पाइन्।
गण्डकीबाट अपाङ्गता क्लष्टरमा कांग्रेसका पदमबहादुर परियार विजयी भएका छन्।
उनले ३ हजार ७ सय ७४ मतभार पाए। परियारले स्थानीय तहतर्फ १०१ र प्रदेशसभातर्फ ३५ जनाको मत पाए।
एमालेका हेमचन्द्र शेरचनले २ हजार ४ सय ५८ मतभार ल्याए। उनले स्थानीय तहतर्फ ६८ जना र प्रदेशतर्फ २२ जनाको मत पाए।
गण्डकी प्रदेशबाट अन्य क्लष्टरमा कांग्रेसका किरणबाबु श्रेष्ठ विजयी भएका छन्। उनले ३ हजार ८ सय ८ मतभार पाए। श्रेष्ठले स्थानीय तहतर्फ १ सय र प्रदेशसभा तर्फ ३६ जनाको मत पाए।
प्रतिक्रिया दिनुहोस्