काठमाडौं २ माघ । संयुक्त राष्ट्रसंघका महासचिव एन्टोनियो गुटेर्रेसले सोमबार गाजामा द्वन्द्व सुरु भएको १०० दिन पुगेपछि तत्काल मानवीय युद्धविराम गर्न पुनः आह्वान गरेका छन् । गाजाबाहेक लालसागर र त्यसभन्दा बाहिर पनि तनाव बढेको भन्दै उनले चाँडै युद्धविराम गर्न आह्वान गरे ।
उनले दैनिक युद्धले जनजीवन प्रभावित बनेको बताए । इजरायल र लेबनानबीचको सम्बन्धमा थप दरार आउन दिन नहुनेमा उनले जोड दिए । द्वन्द्व सुरु भएको १०० दिन भइसकेको र गाजामा मानवीय अवस्था शब्दमा सीमित नरहेको उनले उल्लेख गरे ।
भोकमरीको ‘लामो छाया’ले गाजाका मानिस रोग, कुपोषण र अरू स्वास्थ्य खतरामा परेको उनले बताए । सहायता अभियानले गाजाभित्र वितरणमा पनि ठूलो बाधा सामना गरिरहेको उनको भनाइ छ ।
हमासले गरेको हिंसालाई कुनै कुराले न्याय दिन नसक्ने उनले बताए । सिन्ह्वारन्युज एजेन्सी नेपाल
प्रतिक्रिया दिनुहोस्