काठमाडौं ११ पस। । राष्ट्रियसभा निर्वाचनका लागि नेपाली कांग्रेस वाग्मती प्रदेशबाट ९१ जनाको नाम सिफारिस भएको छ । जसमा कलाकार नीर शाह, फ्रिडम फोरम नामक गैससका अध्यक्ष तारानाथ दाहालसहित १० जना केन्द्रीय सदस्य पनि छन् ।

वाग्मती कांग्रेस संसदीय बोर्डका एक सदस्यका अनुसार केन्द्रीय सदस्यहरूमा जिपछिरिङ लामा, गणेश लामा, टेकबहादुर गुरुङ, दिलमान पाख्रिन, हरिशरण नेपाली, राधा घले, मदनबहादुर अमात्य, जितजंग बस्नेत, मदनकृष्ण श्रेष्ठ र गंगा अवाले छन् ।

यस्तै, प्रदेश पदाधिकारीबाट महामन्त्री राजु श्रेष्ठसहित सहमहामन्त्रीहरू जीवन डंगोल, चन्द्र महर्जन, हरिशरण श्रेष्ठ छन् ।

ती पदाधीकारीका अनुसार लोकतान्त्रिक अपाङ महासंघका पूर्वअध्यक्ष भोजराज श्रेष्ठको नाम पनि सिफारिस भएको छ ।

जिल्ला सभापतिहरूबाट काठमडौं सभापति कृष्ण बानियाँ सवुज र मकवानपुर सभापति वुद्धरत्न लामाको नाम पनि सिफारिस भएको छ ।

वाग्मती प्रदेशबाट चार सिटका लागि निर्वाचन हुँदै छ । सत्ता गठबन्धनले निर्णय नगर्दै पार्टी केन्द्रले सिफारिसका लागि आग्रह गर्दा आकांक्षीहरूको संख्या धेरै भएको र कसैलाई पनि नचिढ्याउन सबैको आकांक्षीको नाम सिफारिस गरिएको ती पदाधिकारीले बाह्रखरीलाई बताए ।