काठमाडौं, ३ पौष । सत्तासाझेदार दल नेकपा एकीकृत समाजवादीका उपाध्यक्ष एवं सांसद राजेन्द्र पाण्डेले एनसेल खरिद–बिक्री प्रकरणमा प्रधानमन्त्रीको प्रतिबद्धता माग गरेका छन् । प्रतिनिधिसभाअन्तर्गतको राज्यव्यवस्था तथा सुशासन समितिको मंगलबारको बैठकमा उपस्थित प्रधानमन्त्री पुष्पकमल दाहाल ‘प्रचण्ड’लाई उनले सोबारे प्रश्न गरेका हुन् ।

उनले प्रधानमन्त्रीको परिवार बदनाम हुँदै आएको बताए । एनसेलको सेयर खरिद–बिक्री प्रकरणमा प्रधानमन्त्रीको परिवार नजोडिएको भए ‘दह्रो’ कदम चाल्न उनले आग्रह गरे । प्रधानमन्त्रीकै परिवार सो प्रकरणमा जोडिएको भए नाटक मात्र हुने उनको भनाइ छ ।

एनसेल प्रकरणबारे प्रधानमन्त्रीलाई प्रश्नैप्रश्न, रविले भने– प्रमको आदेशले मात्र मिल्दैन
“प्रमको दह्रो कमिटमेन्ट चाहियो । उहाँको परिवार बदनाम हुँदै आएको छ,” समिति सदस्य पाण्डेले भने, “नजोडिएको भए दह्रो कदम चालौँ, जोडिएको भए नाटक मात्र हुन्छ ।”

– प्रमको दह्रो कमिटमेन्ट चाहियो । उहाँको परिवार बदनाम हुँदै आएको छ । नजोडिएको भए दह्रो कदम चालौँ, जोडिएको भए नाटक मात्र हुन्छ ।
– टंकमणि शर्माको समिति छ । तातेको बेला समिति बनाउने अनि सेलाको बेला रिपोर्ट ल्याउने । अनि, दराजमा थन्काउने काम हुन्छ ।
– सांसदमा ‘डबल’ छ, कतै समिति नबनाई हुँदैन, कतै किन बनाएको नबनाए पनि हुन्छ भन्ने छ । सबै समिति बनाउने भए हाम्रा संयन्त्र के गर्छ रु हाम्रो कर्मचारीतन्त्र निकम्मा हो रु यसमा प्रश्न उठेको व्यक्ति समिति संयोजक छन्, यसले के नतिजा दिन्छ रु
–भविष्यमा होला, तर अब बन्ने ऐन संशोधन गरेर हिजोको लुपहोल ९छिद्र० टाल्न सक्छ रु यो गम्भीर छ । हाम्रो एफडीआई पोलेसीले समस्या सिर्जना गरे समस्या हुन्छ ।
– अब बन्ने दूरसञ्चार ऐनले विगतलाइ कसरी ‘कभर’ गर्छ रु गम्भीर कुरा हो ।