काठमाडौं, १ मंसिर । प्रधानमन्त्री पुष्पकमल दाहाल प्रचण्डले नारायणहिटीमा आफ्नै वंश विनाश गर्नेहरु संस्कारका कुरा गर्ने रु भन्दै प्रश्न गरेका छन् ।

शुक्रबार तनहुँमा आँबुखैरेनी गाउँपालिकाद्वारा सञ्चालित आँबुखैरेनी अस्पतालको उद्घाटन गर्दै प्रधानमन्त्री प्रचण्डले परिवर्तन र जनताको अधिकार मन नपराउनेहरुले संस्कारको कुरा गरेको बताए ।

“जसले कहिले कोतपर्व, कहिले भण्डारखालपर्व कहिले नाराणहिटीपर्व हामीले देखेको होइन त्यो रु ती मान्छेहरु आजकल संस्कारको कुरा गर्छन् । ती हो संस्कार रु कोतपर्व, भण्डारखालपर्व, नारायणहिटीमा आफ्नै वंश विनाश गर्नेहरु संस्कारका कुरा गर्ने रु लोकतन्त्रवादीहरुलाई, परिवर्तनकारी शक्तिहरुलाई रु,” प्रधानमन्त्री प्रचण्डको प्रश्न छ ।

उनले केही मानिसले साँच्चै जनता र राष्ट्र, लोकतान्त्रिक प्रणालीविरुद्ध आवाज उठाउने दुस्साहस गरिरहेको बताए । उनले आज सुरक्षा निकायका प्रमुखहरुसँग छलफल गरेका भन्दै साँच्चै हो त रु खोजेकै हो त रु भन्ने स्थिति बनेको बताए ।

त्यस्तै, प्रधानमन्त्री प्रचण्डले वर्तमान गठबन्धन पाँचै वर्ष चल्ने र कसैले हल्लाएर हल्लिन नसक्ने जिकिर गरे । आफू प्रधानमन्त्री बन्दा १५ दिन, एक महिना भए पनि राष्ट्रको पक्षमा काम गर्ने अठोट लिएको र अहिले ११ महिना सरकार चलिरहेको बताए ।

प्रधानमन्त्री प्रचण्डले लोकतान्त्रिक गणतन्त्रलाई संस्थागत गर्ने प्रक्रिया अझै चलिरहेको भन्दै प्रहरी समायोजन ऐन, निजामती ऐन र शिक्षा ऐन छिटै कार्यान्वयनमा आउने जानकारी दिए । उक्त ऐन कार्यान्वयनमा आउनेबित्तिकै प्रदेश सरकार शक्तिशाली हुने र नागरिकले गणतन्त्रको अनुभूत गर्न सक्ने दाबी उनको छ ।