काठमाडौ २८ कात्तिक । जिल्ला प्रहरी परिसर काठमाण्डौ मातहतको स्वयम्भू र साँखुबाट खटिएको प्रहरी टोलीले जुवा खालबाट आज मङ्गलवार चार लाख रुपैयाँ तथा कौडा र ताससहित उनीहरूलाई पक्राउ गरेको छ ।  ठूलो सङ्ख्यामा जुवा खेलिरहेका व्यक्तिहरूलाई  प्रहरी वृत्त स्वयम्भूले त्यस क्षेत्रको जुवा खालबाट पक्राउ गरेको  हो

जिल्ला प्रहरी परिसर काठमाण्डौका प्रवक्ता कुमोध ढुङ्गानाका अनुसार साँखु प्रहरी प्रभागबाट खटिएको टोलीले शङ्खरापुर नगरपालिका–१ नाङलेभारेको दुई ठाउँबाट १७ जनालाई पक्राउ गरी कारबाही अघि बढाइएको छ । उनीहरूको साथबाट एक लाख १७ हजार रुपैयाँ बरामद भएको उनले बताए ।

यसैबीच तिहार लक्षित सुरक्षा योजनाअनुरूप जाँड–रक्सी खाएर गाडी चलाउँदा हुनसक्ने दूर्घटना न्यून गर्न पूर्वनिर्धारित कार्ययोजनाअनुरूप जाँच भइरहेको उपत्यका ट्राफिक प्रहरी कार्यालयका प्रवक्ता राजेन्द्रप्रसाद भट्टले जानकारी दिए।