काठमाडौं, २१ असोज । प्रधानमन्त्री पुष्पकमल दाहाल ‘प्रचण्ड’ले चीन, नेपाल र भारतका बीचमा विकासको त्रिदेशीय साझेदारी हुन जरुरी रहेको बताएका छन् । आइतबार काठमाडौंमा आयोजित ‘बीआरआईको एक दशक स् व्यापार, लगानी र सम्पर्क सञ्जाल’ विषयक कार्यक्रममा उनले यस्तो बताएका हुन् ।

“चीन, नेपाल र भारतको बीचमा एउटा त्रिदेशीय साझेदारी विकासको हुन जरुरी छ । नेपाल अलिकति सम्पन्न नभईकन हाम्रो कुराको सुनुवाइ शक्तिशाली देशलाई गर्न गाह्रो हुन्छ,” उनले भने, “चीनका राष्ट्रपति सी चिनफिङ र भारतका प्रधानमन्त्री नरेन्द्र मोदीसँगै बसेर यही प्रश्न यसरी नै, गर्न जरुरी छ– के नेपालजस्तो आर्थिक रूपले पछि परेको देशको कुरा तपाईंहरूले गम्भीर रूपले सुन्न तयार हुनुहुन्छ रु हामीले भन्दै गरेको त्रिदेशीय साझेदारीको रणनीतिअन्तर्गत गएर के नेपाललाई एउटा ठूला शक्ति राष्ट्रहरू विकासको एउटा तीव्र गतिमा गएका देशहरूबाट लाभ लिनको लागि नेपालको कुराको सुनुवाइ गर्न तयार हुनुहुन्छ रु भनेकै छु । उहाँहरूले सैद्धान्तिक रूपमा यो कुरा सही छ भन्नुभएको पनि हिजो मात्रै हो जस्तो लाग्छ ।”

उनले विद्युत् व्यापार नेपालका निम्ति पहिलो प्राथमिकता नरहेको बताए । विद्युत् उत्पादनको क्षमता विकास गरी विद्युतीय सामग्रीको प्रयोग बढाउनेतर्फ सरकारले काम गरिरहेको उनले उल्लेख गरे । डिजेल र पेट्रोलको आयात कम गर्न सुरु भइसकेको उनको भनाइ छ ।

“नेपाल सबैभन्दा पहिला त अर्थतन्त्रमा आत्मनिर्भर हुनुपर्छ । बलियो हुनुपर्छ । त्यसका निम्ति हामीले हाम्रा प्राकृतिक साधनस्रोतको प्रयोग गर्नुपर्छ । अहिले बिजुलीको पनि कुरा आयो, हाम्रो कार्यक्रम देशभित्रै बजुली खपत गर्ने नै हो ।

विद्युत्को व्यापार गर्ने हाम्रो पहिलो प्राथमिकता होइन,” उनले भने, “तर, हाम्रो क्यापासिटी अहिले विद्युत् खपत गर्ने कति छ रु र, हामीले त्यसलाई कसरी विकास गर्ने हो रु अहिले नै हेर्ने हो भने हामी ईभेइकल भनेर जसरी हामी त्यसलाई प्रोत्साहन गर्दै छौँ र त्यसले डिजेल र पेट्रोलको आयात कम गर्न सुरु भइ नै सकेको छ । सरकारको प्राथमिकता यतापट्टि छ ।”

प्रधानमन्त्री प्रचण्डले बीआरआईमा आधारित परियोजना अगाडि बढाउन नेपाल प्रतिबद्ध रहेको पनि बताए ।

नेपाललाई पूर्वाधार विकासमा ठूलो लगानीको खाँचो रहेको र त्यसका निम्ति बाह्य पुँजी आवश्यक हुने उनले उल्लेख गरे ।