काठमाडौ, १३ असार । भियतनामी सरकारले कर तिर्न नमान्ने व्यवसायीको सामाजिक सञ्जाल बन्द गर्ने चेतावनी दिएको छ ।
सरकारी निकायले फेसबुक खाता खोली अनलाइन व्यवसाय सञ्चालन गर्दै आएका व्यवसायीले राज्यलाई तिर्नपर्नेु कर नतिरेको भन्दै बन्द गर्ने चेतावनी दिएको हो । भियतनामी कर कार्यालयले आफू मातहतका कार्यालयलाई कर उठाउन अनलाइन व्यवसायीसँग अपनाउनुपर्ने कडा उपाय अपनाउन निर्देशन दिइसकेको छ । कर कार्यालयले राज्यले अनलाइन व्यवसायीबाट एक करोड भियतनामी डोङ अर्थान् चार हजार चारसय अमेरिकी डलरभन्दा बढी कर प्रत्येक महिना छली भएको स्थानीय पत्रिकाले जनाएको छ । फेसबुक कारोबार बन्द गर्न नचाहेको भएपनि अनलाइन व्यापारीले कर तिर्न अटेर गरिरहेकाले कारबाहीका लागि बाध्य भएको सरकारी कर अधिकारीले जनाएका छन । हनोइ कर विभागले देशभरका फेसबुक मार्फत कारोबार गर्ने १३ हजार ५ सय व्यवसायीलाई पत्राचार गरेको र करको दायरामा आउन भनेको जनाएको छ । विभागका अनुसार देशभर १७ हजार व्यवसायीले फेसबुक अनलाइनमार्फत कारोबार गर्ने गर्छन् ।