काठमाडौं, १४ असोज । राष्ट्रिय स्वतन्त्र पार्टीका सभापति रवि लामिछानेले आयल निगम घाटामा छ भने बोनस बाँढ्ने रकम कहाँबाट आयो भन्दै प्रश्न गरेका छन् ।
आइतबारको प्रतिनिधिसभाको बैठकमा बोल्दै उनले स्वचलित मूल्य भए आयल निगमले मूल्य घट्दा दुई दिनसम्म किन घटाउँदैन भन्दै प्रश्न गरे ।
“प्रधानमन्त्री भ्रमण गरेर ‘मुड फ्रेस’ गराएर आउनुभयो । आउँदा आउँदै जनताको मुड अफ गराउनुभयो । फेरि मूल्य वृद्धि फिर्ता लिने कुराले मुड फ्रेस बनाउनुभएकोमा धन्यवाद छ,” उनले भने, “आयल नियम व्यापार गर्छ, बोनस बाढ्छ, अनि घाटामा छु भन्छ । स्वचालित मूल्यबाट चल्ने भए मूल्य घटेको बेला किन यसले दुई दिनसम्म मूल्य घटाउँदैन किन रु”
उनले संविधान दिवसको दिन राष्ट्रपतिले ज्यान मार्ने उद्योगमा सजाय पाएका रिगल ढकाललाई माफि दिएको विषयमा समेत आपत्ति जनाए ।
प्रतिक्रिया दिनुहोस्