काठमाडौं, १९ भदौ । सांसद अमरेशकुमार सिंहले लेखा समितिमा अडिट गर्नका लागि सीए राख्ने प्रस्ताव गरेका छन् ।
मंगलबार बसेको लेखा समितिको बैठकमा उनले समितिमा सीए राख्न प्रस्ताव गरेका हुन् । उनले समितिमा पूर्वअर्थमन्त्रीलाई नराख्न प्रस्ताव गरे । पूर्वमन्त्रीलाई समितिमा राख्दा स्वार्थ बाझिने उनको भनाइ छ ।
उनले पहिले आफूहरु पारदर्शी हुनुपर्ने बताए । भने, “हामी पहिले आफै पारदर्शी बनौँ, देश विदेश जहाँबाट हेर्न चाहे पनि तीन करोड नेपालीले हेर्न पाउने व्यवस्था गरौँ ।”
उनले आफूहरुलाई जनताले क्षेत्रमा घुम्न मात्र नभएर काम गर्न पठाएका बताए । समितिको बैठक निरन्तर गर्न पनि उनको प्रस्ताव छ ।
प्रतिक्रिया दिनुहोस्