काठमाडौ, ४ साउन । नेकपा माओवादी केन्द्र कोशी प्रदेश संसदीय दलका नेता इन्द्र आङ्बोले सहमति र सहकार्यमा फर्किर्नुपर्ने बताएका छन्।

सोमबार मुख्यमन्त्रीले विश्वासको मत प्रस्ताव पेस गरेपछि प्रदेसशभामा आफ्नो दलको तर्फबाट भनाई राख्दै आङ्बोले त्रुटीबाट सिकेर सहकार्यमा फर्कन दलहरूसमक्ष प्रस्ताव गरे।

‘प्रदेशलाई असफल बनाउने र व्यवस्था प्रति नै वितृष्णा फैलाउन लागिरहेको सन्दर्भमा जिम्मेवार राजनीतिक दलहरूले कम्तिमा एउटा राम्रो सहमति र सहकार्यतिर चाहीँ हाम्रो प्रदेशलाई फर्काएर सन्देश दिनुपर्नेमा जे भइरहेको छ त्यो स्वभाविक रुपमा सुखद हुन सकेको छैन,’ आङ्बोले भने।

साथै, उनले त्रुटीबाट शिक्षा लिएर अघि बढ्नुपर्ने बताए।

‘हाम्रा यी त्रुटीहरुलाई शिक्षा लिएर फेरि पनि यो प्रदेशलाई सहकार्यमा फर्काऔं। सहकार्य मै मुख्यमन्त्री हुन पाएपछि मात्र हुन्छ भन्ने नसोचौं,’ उनले भने।