दाङ । दाङ जिल्लामा खेतीयोग्य जमिन प्रसस्त भएपनि सिचाइको भने समस्या रहेको छ । खोला, नदिहरूमा पानी भएयता पनि किसानहरूको खेतबारी सम्म त्यो पानी पुग्न सकेको छैन । या भनौं खोलाको पानी खेतसम्म पु¥याउने जमर्को गरिएको छैन । जसले गर्दा किसानहरू आकाशे पानीकै भरमा खेती गरेर जिविका धान्न बाध्य छन् । तर, जिल्लामा २०७३ सालमा स्थापना भएको वृहत दाङ उपत्यका सिँचाइ आयोजनाले सि“चाइ पु¥याउने काम गर्न थाले पछि भने किसानका अनुहारमा खुसीका रेखाहरु देखिन थालेका छन् ।

दाङ दंगीशरण गाउपालिका १ रामपुरका स्थानीय आकाशे पानीको भरमा खेतीपाती गर्दै आएका थिए । तर, वृहत दाङ उपत्यका सिचाइ आयोजनाले गाउमा कृत्रिम जलासय निर्माण गरिदिए पछि अहिले धेरै खुशी भएका छन् । जसले गर्दा उनीहरूले अहिले खेतमा धान रोपेर पनि सिध्याउने बेला भएको छ ।

आयोजनाले यस गाउमा दुई जलासय निर्माण गरिदिएको छ । जसबाट सयौं बिगाहा जमिन सिंचित गर्न सकिने भएको छ । भने किसानहरूलाई समय मै खेतीगर्न सहजता थपिएको छ ।यस्तै तुलसीपुर उप—महानगरपालिका १ मनकामना देवी स्थित जम्मु चिरा जलासय निर्माण भएको छ । यसबाट ६० हेक्टर जमिनमा सि“चाइको उपलब्धता हने छ । १०५ घरधुरी यसबाट प्रत्यक्ष लाभान्वित हुने छन् । यो आयोजनामा पनि लिफ्टको काम बाकी छ । स्थानीय गोकर्णलाल खत्रीका अनुसार गाउ“मा एक चरणमा मात्र सि“चाइ हुने भएयता पनि अब ड्यामको पानी प्रयोग गर्न पाउ“दा खेतीमा सहजता आउने बिश्वास बढेको छ ।

गाउ“मा जलासयहरू निर्माण भएपछि किसानहरूलाई सचिाइको सहजता मात्रै होइन आयआर्जनका आयामहरु पनि बढ्दै जाने जनप्रतिनिधिहरूको बुझाई छ । सि“चाइका कारण किसानहरूले माटो अनुसारको आम्दानी गर्न नसकेको अवस्थामा अब ड्यामको पानीले धेरै राहत पुग्ने उनीहरूको बिश्वास छ ।

दाङमा सिचाइका कारण क्रमश ः खेती योग्य जमिन घट्दै गएको अवस्थामा २०७३ साल मंसिर १२ गते जिल्लामा ५६ हजार हेक्टरमा सिचाइ सुविधा पु–याउने उद्देश्यले वृहत दाङ उपत्यका सिचाइ आयोजना स्थापना भएको थियो । यस आयोजना २०७४÷७५ सालदेखि जिल्लामा शुरु भएको आर्थिक वर्ष २०८३ ÷ ८४ सम्म रहने अनुमान गरिएको छ । जसको कुल लागत ४० अर्ब अनुमान गरिएको छ । जिल्लामा अहिलेसम्म विभिन्न गाउमा ३५ वटा जलासय निर्माण भएका छन् । भने २६ वटा लिफ्ट सि“चाइ आयोजना सम्पन्न भएका छन् । यस्तै २० वटा निर्माणधीन अवस्थामा रहेको र १८ वटा लिफ्ट सिचाइको लागि डीपीआर तयार भएको छ ।

यस्तै भूमिगत सिचाइ अन्तर्गत हालसम्म ४२ वटा डिप ट्युबबेल निर्माण भएका छन् भने १६ वटा निर्माणका लागि बोलपत्र आह्वान गरिएको छ । जिल्लामा अहिलेसम्म ६ हजार हेक्टरमा सि“चाइको सुविधा पुगेको छ ।