बेलायत । गायक बिसि राईको पाँचौ एलबम अर्को पाइला बेलायतमा सार्वजनिक
बेलायतमा गायक बिसि राईको पाँचौ एलबम अर्को पाइला एक समारोहबीच सार्बजनिक गरिएको छ ।

दशकौ देखि बेलायत बस्दै आएका चर्चित गायक राई सङ्गीत अध्ययन गर्न बेलायत छिरेका थिए ।
नेपालीहरुको घना बसोबास रहेको बेलायती शहर आस्फोर्डमा एक भब्य कार्यक्रमको आयोजना गरि एलबम बिमोचन गरिएको हो ।

एक पाकिस्तानी गीत सहित दस गीतहरु समाविष्ट एलबममा गीतकारहरु नबराज बर्तमान, शिव कोयी, स्वप्निल लिम्बु, रायन राय पाकिस्तानी सर्जक र स्वयं गायकको शब्दहरु रहेको छन भने सङ्गीत, एरेन्ज पनि गायक स्वयंले गरेका छन ।

कार्यक्रमलाई गीतकार तथा वरिष्ट समाजसेवी सुमाया राईले अध्यक्षता गरेकी थिइन । स्थानिय संघ संस्थाहरुका अध्यक्ष तथा प्रतिनिधिहरु साथै बेलायतबासी सर्जकहरू र गायक रेवत राई समेतको

अतिथ्यतामा सम्पन्न कार्यक्रममा समाजसेवी भाष्कर तितुङ लाई प्रमुख अतिथि बनाइएको थियो ।
भोजपुर छिनामखु २ मा जन्मिएको गायक राईले तिमीलाई, ति पलहरु, बिहान्ड द क्राउड, शिली सहित पाचौ एलबमको रुपमा अर्को पाइला बजारमा ल्याएका हुन ।

बयो बृद्ध बाबा बिरवा राई तथा आमा दया देवि राईको आशिर्वाद स्वरुप उहाँहरु कै हातबाट एलबमको बिमोचन गरिएको थियो । बिमोचनमा प्रमुख अतिथी र सभाध्यक्षले पनि साथ दिएका थिए ।
कार्यक्रममा गायक राईले अधिकांश गीतहरु प्रस्तुत गरेका थिए ।

कवि तथा गीतकार नवराज राईले सञ्चालन गरेको कार्यक्रममा गायक गंगाराज राईले स्वागत मन्तब्य गरेका थिए भने कबि तथा गीतकार नरेश काङमाङ राईले यलबमको समिक्षा गरेका थिए ।
“म त जिउदै मर्न सक्छु” गीतको म्युजिक भिडियो पनि कार्यक्रममा प्रदर्शन गरिएको थियो ।

स्वप्निल लिम्बुको निर्देशन रहेको म्युजिक भिडियोमा चर्चित गायीका तथा नायीका बिष्णु चेम्जोङले गायन तथा अभिनय दुबैमा साथ दिएकी छिन ।