काठमाडौं । काठमाडौं महानगरपालिकाले हरियाली प्रबद्र्धन कार्यक्रम अन्तर्गत सडक किनारामा गमलामा विरुवा रोप्ने अभियान चलाएको छ । सहरी हरियालीका लागि १ लाख वटा विरुवा रोप्ने अभियानअन्तर्गत सडक किनारमा गमलामा विरुवा रोपेको हो । साथै महानगरले यहि असार महिनाभर ९० हजार विरुवा रोप्ने लक्ष्य लिएको छ । जेठ ६ गते करिब ५ सय बिरुवा रोपेर हरियाली अभियान शुरू गरेको महानगरले हालसम्म सडक किनार, खाली क्षेत्र र पार्कमा वृक्षरोपण गरेको छ । महानगरका ३५ वटै वडामध्ये अन्य वडाले सडक पेटीमा खनेर विरुवा रोपेको छ भने २८ नम्बर वडाले भने गमलामा विरुवा रोपेको छ । फुटपाथमा विभिन्न प्रजातीको विरुवाका साथै फूलका विरुवाहरु रोपेसँगै सडक आर्कषक देखिएको छ ।

काठमाडौं महानगरपालिकाले हरियाली प्रबद्र्धन कार्यक्रमअन्तर्गत सडक किनारामा गमलामा विरुवा रोप्ने अभियान चलाएको छ । सहरी हरियालीका लागि १ लाख वटा विरुवा रोप्ने अभियानअन्तर्गत सडक किनारमा गमलामा विरुवा रोपेको हो । साथै महानगरले यहि असार महिनाभर ९० हजार विरुवा रोप्ने लक्ष्य लिएको छ । जेठ ६ गते करिब ५ सय बिरुवा रोपेर हरियाली अभियान शुरू गरेको महानगरले हालसम्म सडक किनार, खाली क्षेत्र र पार्कमा वृक्षरोपण गरेको छ । महानगरका ३५ वटै वडामध्ये अन्य वडाले सडक पेटीमा खनेर विरुवा रोपेको छ भने २८ नम्बर वडाले भने गमलामा विरुवा रोपेको छ । पुतलीसडक, बागबजार, भृकुटीमण्डप, राष्ट्रिय सभा गृहको फुटपाथमा विभिन्न प्रजातीको विरुवा रोपेको छ । सडक किनारको दायाँबायाँ १ सय ५५ बढी गमलामा कपुर, धुपी र समीका विरुवाका साथै फूलका विरुवाहरु समेत लगाएको छ । एक लाख विरुवा रोप्ने अभियानको थालनी गर्दै यसअघि काटेश्वर जडीबुटी सडक खण्डमा १ सय २० वटा कपुरका विरुवा रोपिएका थिए । जेठबाट ‘हरियाली महानगर’ शुुरू गरेको महानगरले दैनिक ३ सय विरुवा रोप्ने भएको छ । कोटेश्वरदेखि तीनकुने पेट्रोलपम्प, त्रिपुरेश्वरदेखि कालीमाटी, शंखधर पार्क र रत्नपार्क, खुलामञ्चलगायतका क्षेत्रका सडक किनार र खाली क्षेत्रमा वृक्षरोपण गरिसकेको छ । यसअघि कामपाले ३५ वटै वडालाई वृक्षरोपण गर्नका लागि खुलाक्षेत्र, पार्क र बगैंचा पहिचान गर्न पत्राचार गरेको थियो । वडा कार्यालयले गरेको सिफारिसको आधारमा कामपाको टोलीले वृक्षरोपण गरिरहेको छ ।

फुटपाथमा विभिन्न प्रजातीको विरुवाका साथै फूलका विरुवाहरु रोपेसँगै सडक आर्कषक देखिएको छ । पैदलयात्रुहरुले पनि काठमाडौंको स्वरुप र सौन्दर्यता बढेको भन्दै खुशी व्यक्त गरेका छन् । पुष्पविज्ञ र वैज्ञानिकले सिफारिस गरेको वृक्षरोपण भइरहेको छ । विज्ञले उपत्यकामा धुपी, समी, कपुर, काब्रो, लप्सी, सिमल, पैयुँ, लेक पाङ्ग्रा, सिरिङ्गे, मिकुसी स्वाँ, कोइराला, तेजपत्ता, स्वामी, पिपलजस्ता बिरुवा सिफारिस गरेका थिए । यी बिरुवा स्थानीय हावापानीमा सजिलै हुर्कने तथा नेपाली जनजीवनसँग परिचित हुनुको साथै जैविक र वानस्पतिक विविधताको संरक्षणमा सघाउ पुग्ने विज्ञहरूले बताएका छन् । शहरी हरियालीका लागि धार्मिक मान्यता पाएका, फूल फुल्ने, फल फल्ने र बास्ना आउने बिरुवा रोपेर हरियाली बचाउने, वानस्पतिक र जैविक विविधता जोगाउन वृक्षरोपण शुरू गरिएको मेयर बालेन्द्र साहको भनाइ थियो ।

उनले चराचुरुङ्गी तथा अन्य जीव जनावरलाई खाना र बास उपलब्ध गराउने सक्ने क्षमता भएका स्थानीय जातका बोट विरुवालाई जोगाउने योजनाअनुरूप रैथाने र प्राकृतिक रूपमा उम्रने बोट बिरुवा रोपण कार्यलाई पहिलो प्राथमिकतामा राखिने बताए । वर्षा याममा बिरुवा सार्न र बचाउन सकिने भएकोले यही मौसममा धेरै बिरुवा रोप्ने कामपाको योजना छ । यससँगै ट्राफिक आइल्यान्डहरूमा मौसमी पूmलहरू रोपिने, हाल रोपिएका बिरुवाको वडा र महानगरको वातावरण व्यवस्थापन र हरियाली प्रबद्र्धन विभागले संरक्षण गर्ने बताइएको छ । यसअघि कामपाले ‘हरित विद्यालय’ अभियान शुरू गरेको थियो । महानगरका अनुसार साउन लागेपछि विभिन्न प्रकारका मौसमी फूलका विरुवा रोप्ने कार्यक्रम छ । यी बिरुवा स्थानीय हावापानीमा सजिलै हुर्कने तथा नेपाली जनजीवनसँग परिचित हुनुको साथै जैविक र वानस्पतिक विविधताको संरक्षणमा सघाउ पुग्ने विज्ञहरूले बताएका छन् । शहरको पानी, माटो, हावा, तापक्रम व्यवस्थापन र शहरको सौन्दर्यताका लागि काठमाडौं महानगरले सुरु गरेको वृक्षरोपण कार्यक्रम निकै आकर्षक र स्वागत योग्य छ । यसले दीगो रुपमा निरन्तरता पाओस् ।