काठमाडौं, १९ जेठ ।

नेपाल प्रज्ञा प्रतिष्ठानका कुलपति भुपाल राईले पाँच बुँदे रारा घोषणापत्र अनुसार प्रतिष्ठानको गतिविधि अघि बढ्ने बताउनुभयो ।

उहाँले एबीसी विशेष कार्यक्रममा बोल्नुहुँदै आफू जागिरे हुनलाई मात्र कुलपति नभएको र प्राज्ञले पूर्व मेचदिेखि पश्चिम महाकालीसम्मको समाज बुझ्नुपर्ने बताउनुभयो ।

कुलपति राईले भन्नुभयो, “हामीले स्थलगत अध्ययन गरेर पूर्व मेचीदेखि पश्चिम महाकालीसाँ हिड्नुपर्छ । भ्रमण धेरै गर्नुपर्छ भन्नाले पर्यटन सेयर गर्ने मात्र होइन, प्राज्ञ भन्ने मानिसले समाज बुझ्नुपर्छ । रुट नबुझ्ने मान्छे प्राज्ञ हुनै सक्दैन । सुर्खेतदेखि कालीकोट, दैलेखको दुल्लु, जुम्ला, सिन्जा प्रत्येक समाज बुझ्दै हिडेका छौं । प्राज्ञ परिषद्को पहिलो चोटी बैठक राखेको छु । राराबाट पाँच बुँदे घोषणा पत्रलाई टेकेर प्रतिष्ठानलाई हाँक्दैछौं ।”

उहाँले प्राज्ञको काम तलत्र, भत्ता बुझ्ने मात्रै नभएको भन्नुहुँदै भन्नुभयो, “अब समाज उत्खनन् गर्दै देशैभरी डुल्छौं । यो हाम्रो जिम्मेवारी हो । हामी सांस्कृतिक दूत हौं, सेतु हौं । सोलुको शेर्पाले कैलालीको थारु सबैले नेपाल प्रज्ञा प्रतिष्ठान छ भनेर थाहा पाउनुपर्छ । यो मेरो प्रतिष्ठान हो भनेर कर्णालीको जनताले भनोस् ।”

असार ९ गते आयोजना हुन गइरहेको राष्ट्रिय कविता महोत्सवको सन्दर्भमा प्रतिष्ठान कुनै अमुख कविहरुलाई ल्याएर भाले जुधाई गर्ने थलो नभएको धारणा राख्नुभयो । “कवि ल्याएर लडाउने, भाले जुधाई गर्ने ठाउँ यो होइन । हिजो एकल भाषीको राष्ट्रिय महोत्सव थियो । अहिले असार ९ गते नेपालभरी बोलिने भाषामा जुन कविता लेखिन्छ, सबैलाई आव्हान गरेका छौं । राष्ट्रिय महोत्सव सबै भाषभाषीको कवि आएपछि हुन्छ”, उहाँले भन्नुभयो ।

प्रतियोगिता स्थानीय तहमा हुनुपर्ने उहाँको भनाइ छ । उहाँले भन्नुभयो, “स्थानीय लेबलमा गर्ने हो । एक, लाख, पाँच लखा वा दशौं लाखको पुरस्कार दिऊँ न । तर, प्रतिष्ठान कविलाई कविता लेख्न माहोल निर्माण गर्ने संस्था हो । यसरी बुझ्न म आव्हन गर्छु ।”