काठमाडौं । नेपाल उद्योग परिसंघ ९सीएनआई०को वरिष्ठ उपाध्यक्षमा उद्योगी राजेश अग्रवाल चयन भएका छन् । औद्योगिक घराना आरएमसी ग्रुपका कार्यकारी निर्देशक रहेका अग्रवाल यसअघि परिसंघका उपाध्यक्ष थिए ।

आरएमसी ग्रुपले सिमेन्ट, फुड तथा स्टिलमा लगानी गरेको छ ।

सीएनआईको गभर्निङ काउन्सिलको बैठकले अग्रवाललाई बरिष्ठ उपाध्यक्षमा चयन गरेको हो । सीएनआईको गभर्निङ काउन्सिलको संयोजक विनोद चौधरी छन् । गभर्निङ काउन्सिलको बैठकले सीएनआईमा वरिष्ठ उपाध्यक्षको चयन गर्ने गर्छ । वरिष्ठ उपाध्यक्ष सीएनआईको अध्यक्ष बन्ने व्यवस्था छ ।

गत वर्ष नै सीएनआईले वरिष्ठ उपाध्यक्षको चयन गर्नुपर्ने थियो ।

अब सीएनआईले वैशाखमा साधारण सभा गर्नेछ । साधारण सभाले राजेश अग्रवाललाई अध्यक्षमा चयन गर्नेछ । अहिलेको सीएनआईको अध्यक्ष विष्णुकुमार अग्रवाल रहेका छन् ।