काठमाडौँ, २० फागुन । उपराष्ट्रपति नन्दबहादुर पुनले आदिवासी जनजातिले आफ्नो पहिचानको मुद्दा छाड्न नहुने बताएका छन् ।
नेपाल मगर संघले आयोजना गरेको ‘भवन निर्माण तथा शालिक अनावरण’ कार्यक्रममा उनले आदिवासी जनजातिले आफ्नो पहिचानको मुद्दालाई छाड्न नहुने पनि बनाएका हुन् ।
उनले संविधानमा कतिपय विषय समावेश गरिए पनि कतिपय विषय आउन बाँकी रहेकाले त्यसलाई स्थापित गराउनका लागि आदिवासी जनजातिले एकतावद्ध भएर सरकारलाई खबरदारी गरिरहनुपर्ने बताए ।
उपराष्ट्रपति पुनले आदिवासी जनजातिहरूको पहिचान स्थापित गराउनका लागि आफूले सक्दो सहयोग गर्ने प्रतिबद्धता समेत व्यक्त गरे । क्षेत्रीहरू आदिवासी हुन् वा होइनन् भन्ने बारेमा गहिरो अध्ययनको खाँचो रहेको उनको भनाइ थियो ।
उनले आदिवासी जनजातिको एकता टुट्यो भने उनीहरूले उठाउँदै आएका पहिचाको मुद्दा पनि ओझेलमा पर्ने बताए । नेपाल मगर संघले आदिवासी जनजाति योद्धाको योगदानको स्मरण गर्दै अघि बढ्नुपर्ने उनको भनाइ थियो ।
प्रतिक्रिया दिनुहोस्