काठमाडौं । राष्ट्रिय सहमतिमा राष्ट्रपति बनाउनुपर्ने अडान कसिरहेका माओवादी केन्द्रका सामु सत्ता गठबन्धनका प्रमुख दल एमाले अध्यक्ष केपी शर्मा ओलीले दुई नाम प्रस्ताव गरेका छन् ।

बुधबार बिहान बालुवाटारमा प्रचण्डसँग भएको भेटमा ओलीले एकीकृत समाजवादीका अध्यक्ष माधवकुमार नेपाल र एमाले उपाध्यक्ष सुवास नेम्वाङको नाम प्रस्ताव गरेका हुन् ।

एकीकृत समाजवादीका अध्यक्ष नेपालतर्फ संकेत गर्दै उनले ‘तपाईँले पनि वचन दिएका, कांग्रेसले पनि सहयोग गर्दै आएका व्यक्तिलाई एमालेले प्रस्ताव गर्छ’ भनेको ओली निकट स्रोतले बताएको छ ।

प्रधानमन्त्री प्रचण्डले भने जनता समाजवादी पार्टी (जसपा) र लोकतान्त्रिक समाजवादी पार्टी (लोसपा)सँग छल्लाह गर्ने जवाफ दिएका छन् ।

कांग्रेसले रामचन्द्र पौडेललाई भावी राष्ट्रपतिका उम्मेदवारका रुपमा अघि सार्ने संकेत गरेको छ ।