काठमाडौं । सम्माननीय उपराष्ट्रपति नन्दबहादुर पुनले विश्वप्रसिद्ध वल्ड बुक अफ रेकर्ड्सको तर्फबाट नेपाली गीतसंगीत, चलचित्र क्षेत्रमा पुर्याउनुभएको अतुलनीय योगदानको कदर गर्दै वरिष्ठ गायिका दीपानारायण झालाई सम्मान हस्तान्तरण गर्नुभएको छ ।
कैयौ सदाबाहर नेपाली गीतहरुमा स्वर दिनुभएकी गायिका झाले नेपाली, हिन्दी, बंगलीलगायत २० भन्दा बढी भाषाका गीतहरु गाउनुभएको छ । उहाँका गीतहरु विगतमा आफुले पनि सुन्दै, गाउँदै हिडेको गायिका दीपानारायणलाई सम्मान गर्ने क्रममा उपराष्ट्रपति पुनले स्मरण गर्नुभएको थियो । वल्ड वुक अफ रेकर्ड्सको नेपाल च्याप्टर अध्यक्ष सागर ढकालले थुप्रै सुपरहिट गीतहरुकी गायिका झाले चलचित्र निर्माणमा समेत पुर्याउनुभएको योगदानको उच्च मुल्यांकन गर्दै उक्त सम्मान प्रदान गरिएको बताउनुभयो ।
विश्वप्रसिद्ध वल्ड बुक अफ रेकर्ड्सले सम्झेर सम्मान गरेकोमा गायिका झाले कृतज्ञता व्यक्त गर्नुभएको थियो ।
प्रतिक्रिया दिनुहोस्