काठमाडौं ३ माघ । संघीय लोकतान्त्रिक गणतन्त्र नेपालमा पूर्व राजवादी सामन्ती वर्चस्वको विचारधारा बोकेको पार्टी राप्रपा पनि वर्तमान गणतन्त्तवादी गठबन्धनमा समेल छ। नयाँ उदाएको भनिएको र पुराना पार्टीहरुको शासकीय असफलताबाट वाक्क भएका मतदाताले रास्वपाका युवायुवतीलाई सांसद बनाइदिए । तर सरकारमा मन्त्री हुने बेलामा राप्रपा र रास्वपा दुवै बाट उच्च जातीय वर्गका पुरुषहरुले मात्र हालीमुहाली गर्ने भएका छन् ।
शुरुमै उपप्रधान सहित गृहमन्त्री बनेका रबि लामिछाने थप दुई जना मन्त्रीमा शिशिर खनाल र डोलप्रसाद अर्याललाई छानेका छन् । सरकारमा कन्फिलिक्ट अफ इन्ट्रेस भएको व्यक्ति सामेल हुनु हुँदैन भन्ने त शुरुमै रवि लामिछानेले आफू विरुद्ध दोहोरो नागरिकता र पासपोर्टमा छानविन गरिरहेको गृहमन्त्रालय नै मागेर लिए । उनले छानेका दुई जना मन्त्रीहरुको पनि उनीहरुको व्यवसाय मिल्ने मन्त्रलाय दिलाएका छन् । शिशिर खनालले शिक्षा सम्वन्धी गैरसरकारी संस्था र व्यवसाय चलाउँदै आएका छन् भने डोल प्रसाद अर्याल रेमिट्यान्सका नाममा हुण्डी कारोवारी रहेको सो क्षेत्रका व्यवसायीहरुले बताएका छन् । उनै अर्याललाई रबि लामिछानेले श्रम तथा रोजगार मन्त्रालय दिएर पोस्ने काम गरेका छन् ।
राष्ट्रिय स्वतन्त्र पार्टी (रास्वपा) बाट मंगलबार सरकारमा मन्त्रीहरू थप हुने भएका छन्।
सभापति रवि लामिछाने यसअघि नै उपप्रधानसहित गृहमन्त्री भइसकेका छन्।
सत्ता साझेदार दलहरूको बैठकमा रास्वपालाई गृह, शिक्षा, विज्ञान तथा प्रविधि र श्रम, रोजगार तथा सामाजिक सुरक्षा मन्त्रालय दिने समझदारी बनेको छ।
साथै एक राज्यमन्त्री पनि रास्वपाले पाउनेछ। तर कुन राज्यमन्त्री पाउने अहिलेसम्म निश्चित भइसकेको छैन।
रास्वपाले शिक्षा, विज्ञान तथा प्रविधि मन्त्रीमा काठमाडौं ६ बाट निर्वाचन जितेका शिशिर खनाललाई पठाउने भएको छ। रास्वपाले विषय विज्ञता हेरेर मन्त्री पठाउने तयारी गरेको छ। खनाल ‘टिच फर नेपाल’का संस्थापक हुन्, उनले लामो समय शिक्षा क्षेत्रमा काम गरेका थिए।
यस्तै श्रम, रोजगार तथा सामाजिक सुरक्षा मन्त्रीमा डोलप्रसाद अर्याल (डिपी) लाई पठाउने तयारी छ। अर्याल रास्वपाका उपसभापति पनि हुन्। धादिङ घर भएका उनी समानुपातिक तर्फबाट सांसद भएका थिए।
अर्याल रेमिट्यान्स व्यवसायी पनि हुन्। उनले केही समय जापानमा रहेर श्रम तथा रोजगारका क्षेत्रमा पनि काम गरेका थिए। सोही अनुभवका आधारमा उनलाई श्रम मन्त्री बनाउन लागिएको छ।रास्वपाको संसदीय दलको बैठकले मन्त्री छान्ने जिम्मा सभापति लामिछानेलाई नै दिएको थियो।
माधव नेपालले देउवा सरकारका पाला म्यानपावर व्यवसायी कृष्ण श्रेष्ठलाई, त्यसभन्दा अघि म्यानपावर व्यवसायी टेकबहादुर गुरुंलाई कांग्रेसले श्रम मन्त्री बनाएके थियो । गुरुंग सोही मुद्धाका कारण अहिले निर्वाचित भएर पनि निलम्वित छन् ।
श्रेष्ठ र गुरुंगको लाइनमा रवि लामिछानेको पार्टीको उपसभापति रहेका डोलप्रसाद अर्याल लागेका छन् ।
रास्वपामा प्रत्यक्ष निर्वाचित र प्रतिभाशाली दुई जना योग्य महिला छन् । तर उनीहरु रबिको रोजाइमा परेनन् । राप्रपमा पनि प्रत्यक्षमा कोही महिला निार्वचित नभएपनि ६ जना महिलालाई बाध्य भएर समानुपातिक कोटाबाट सांसद बनाएको छ । तर उनीहरु राजेन्द्र लिंगदेनको नजरमा मन्त्री बन्न सक्ने देखिएनन् ।
राप्रपा र रास्वपा दुवैका प्रमुखको चिन्तन पुरातनपन्थी हो भन्ने चर्चा हुँदै आएको थियो । त्यो कुरालाई उनीहरुले निर्वाचन सकिएको २ महिना नहुँदै चरितार्थ गरेका छन् ।
रास्वपाभित्र समानुपातिक, समावेशी र सामाजिक लोकतन्त्रको कुरा गर्नेहरुले अव कस्तो कुरा गर्लान भन्ने जिज्ञासा सवैतिर बढेको छ ।
राप्रपाबाट अध्यक्ष लिंगदेन, उपाध्य धु्रवबहादुर प्रधान र धवल शमशेर राणा तथा दिपक बहादुर सिह मन्त्री बन्दैछन् ।
राप्रपा र रास्वापाले दुत्कारेका दलहरु एमाले र माओवादीबाट भने मन्त्री भएका संख्याको कम्तीमा ३३ प्रतिशत महिला नै मन्त्री हुँदैछन् ।
रबिले कस्तालाई मन्त्री बनाउन चाहन्छन् ? किन डा. तोसिमा, सोविता र मनिष झालाई मन्त्री बनाउँदैनन् ?
प्रतिक्रिया दिनुहोस्