काठमाडौं, ४ पुस ।  सुरेन्द्र महर्जन अमरको रमझम म्युजिक भिडियो सार्वजनिक जिन्दगीमा दु:खसुख आउँदै गर्छ साथै जान्छ पनि, दु:खमा मात्रै हैन ,सुखमा मात्रै हैन जिन्दगी जीउन रमाइलो गर्नुपर्छ ।

रमझम रमझम लाग्छ तिमी साथ हुँदा, सुनसान सुनसान लाग्छ तिमी नहुँदा गीतको रचनाकार साहित्यकार सुरेन्द्र महर्जन “अमर” को रचनामा रहेको ‘रमझम रमझम लाग्छ’ गीतको म्युजिक भिडियो सार्वजनिक भएको छ ।

गायिका लुमा स्याङ्बोको सुन्दर आवाजमा रहेको गीतमा संगीत/एरेन्जर राम कार्कीको रहेको छ । भिडियो द लाइफ एक्सप्रेस मुभीबाट निर्माण भएको हो । सार्वजनिक गीतको कलाकारहरूमा करुणा बस्नेत, सोनु परियार, सुमन थापा, आयुष पोखरेलले अभिनय गरेकोमा अथिति कलाकारको रूपमा रोशन कुमार, एल बी लामाको भिडियोमा आगमन भएको देखिन्छ ।

सार्वजनिक म्युजिक भिडियोलाई मुख्य निर्देशक रोशन कुमारले निर्देशन गरेको र रचनात्मक निर्देशक प्रेम बस्यालले गरेको छ । श्रृङ्गारमा कृषा पोखरेलबाट मेकअप गरेको थियो ।