काठमाडौ, १३ भदौ । घानाको एक चिडियाखानाको सिंहले मानिसलाई खाइदिएको छ । राजधानी आक्रास्थित चिडिया खानाको तारबार नजिकै पुगेका एक व्यक्तिलाई सिंहले भित्रबाट तानेर मारेको चिडियाखानका अधिकारीहरूलाई उद्दृत गर्दै अन्तर्राष्ट्रिय सञ्चार माध्यमले जनाएका छन् । चिडियाखानाको सुरक्षा बार बाहिर आएर सिंहले मानिसमाथि आक्रमण गरेको घानाको वन्यजन्तुको प्रभारी राज्य निकाय वन आयोगले जनाएको छ ।

सिंहको आक्रमणमा गम्भीर घाइते भएका ती व्यक्तिको उपचारका क्रममा अस्पतालमा ज्यान गएको हो । घटना भएको क्षेत्रमा चिडिया खानाले मानिसका लागि प्रतिबन्ध गरेको थियो । तर, ती मानिस कसरी त्यहाँ पुगे भन्नेबारे अनुसन्धान भइरहेको प्रहरीले बताएको छ ।