काठमाडौं, ११ साउन । हेल्थ एक्चेन्ज नेपाल बेलायतको तर्फबाट इन्जिनिअर संञ्जिबमान राजभण्डारीले भक्तपूर क्यान्सर अस्पताललाई ७ लाख ६५ हजारको चेक हस्तान्तरण गनुभएको छ । आज भक्तपुरको क्यान्सर अस्पतालमा पत्रकार सम्मेलन आयोजना गर्दै सो रकम हस्तानतरण गर्नु भएको हो ।

इन्जिनियर संञ्जिबमान राजभण्डारीले हेल्थ एक्चेन्ज नेपाल बेलायतल बाट नेपालको आधिकाशं क्षेत्रहरुमा आर्थिक तथा भौतिक सहयोग गराएको जानकारी गराउर्दै भक्तपुर क्यान्सर अस्पताललाई पनि थप सहयोग गर्ने प्रतिवद्धता व्यक्त गर्नुभयो । अस्पतालका कार्यकारी निर्देशक प्रा.डा. विष्णु दत्त पौडेलले ७ लाख ६५ हजार सहयोग स्वरुप उपलब्ध भएकोमा अस्पतालको तर्पmबाट धन्यवाद दिनुभयो । उक्त रकमबाट अस्पतालको डे–कयर र एनेक्स वार्डका बिरामी कुरुवा बस्ने वेटिङ हल निर्माण कार्यमा प्रयोग गर्ने र उक्त हलको नाम स्व.विवेक बहादुर प्रधान राख्नको लागि पहल गर्ने जानकारी दिनु भयो ।

स्व. डा.विवेक बहादुर प्रधानले भक्तपुर क्यान्सर अस्पतालमा विभिन्न श्रोत परिचालन गरी क्यान्सरको उन्नत उपचार गर्नमा महत्वपूर्ण भूमिका निर्वाह गरेको हुदा सो को कदर गर्दै उहाको योगदानको सम्झना स्वरुप भक्तपुर क्यान्सर अस्पतालको एउटा वेटिङ हल उहाकै नामाकरण गर्ने बताउनुभयो । उहाको अमूल्य योगदान र स्वस्थ्य सेवामा समर्पित निरन्तरको लगाव प्रति गौरवान्वित रहेको पनि बताउनुभयो ।