काठमाडौं, १५ असार । नेपाल आदिवासी जनजाति महासङ्घको कार्यालय ललितपुरबाट काठमाडौं सरेको छ । नयाँ कार्यालय काठमाडौंको भिमसेनगोलामा सारिएको हो । बुधबार नयाँ कार्यालय महासंघका संस्थापक महासचिव तथा राष्ट्रिय सभा सदस्य सुरेश अनले मगरले उद्घाटन गरे । महासंघमा गेल्जे शेर्पाको नेतृत्वमा नयाँ कार्यसमिति चयन भएपछि महासंघले नयाँ कार्यालय स्थापना गरेका हुन् ।
तीन महिनाअघि महासंघको महाधिवेसनमा अध्यक्ष शेर्पाले महासंघको नयाँ कार्यालय भवन बनाउने घोषणा गरिसकेका छन् । कार्यक्रममा पूर्व सचिव तथा संविधान सभा सदस्य आङदावा शेर्पा, पूर्वसचिव तथा संविधान सभा सदस्य लक्की शेर्पा, पूर्व महासचिव तथा संविधानसभा सदस्य पेम्बा भोटे, निवर्तमान अध्यक्ष राजकुमार लेखी, निवर्तमान अध्यक्ष तथा संविधानसभा सदस्य पासाङ शेर्पा लगायतले शुभकामना दिएका थिए । कार्यक्रममा आदिवासी जनजाति आयोगका अध्यक्ष रामबहादुर थापामगर र सांसद जिपछिरिङ शेर्पाले शुभकामना मन्तव्य दिएका थिए ।
कार्यक्रममा आदिवासी जनजाति महासंघका पूर्व पदाधिकारीहरू, संघसंस्थाका पदाधिकारीहरू र जातीय संस्थाका अध्यक्ष तथा पदाधिकारीहरूको उपस्थिति थियो । कार्यक्रममा आदिवासी जनजाति आयोगका अध्यक्ष रामबहादुर थापामगर र सांसद जिपछिरिङ शेर्पाले शुभकामना मन्तव्य दिएका थिए । कार्यक्रममा आदिवासी जनजाति महासंघका पूर्व पदाधिकारीहरू, संघसंस्थाका पदाधिकारीहरू र जातीय संस्थाका अध्यक्ष तथा पदाधिकारीहरूको उपस्थिति थियो ।
प्रतिक्रिया दिनुहोस्