काठमाडौं, ५ वैशाख । नेकपा एमालेले वैशाख ३० गते तोकिएको स्थानीय तहको निर्वाचन सार्न खोजे सशक्त प्रतिवाद गर्ने भएको छ ।

अध्यक्ष केपी शर्मा ओली निवास बालकोटमा सोमबार साँझ बसेको सचिवालय बैठकले सरकारले स्थानीय तह निर्वाचन सार्न खोजे प्रतिवाद गर्दै सरकारको षड्यन्त्रलाई निस्तेज पारेर जाने निर्णय गरेको हो ।

बैठकपछि उपमहासचिव एवं प्रचार विभाग प्रमुख पृथ्वीसुब्बा गुरुङले चुनावबारे अलमलमा नपर्न र तयारीमा जुट्न समेत पार्टी कमिटीहरुलाई निर्देशन दिएको जानकारी दिनुभयो ।

सोही बैठकले घोषणा पत्र तयारी मस्यौदा समितिले पेश गरेको घोषणापत्र अनुमोदन गरेको छ भने ९ वैशाखमा नेपाल कम्युनिस्ट पार्टी स्थापना दिवसको अवसर पारेर सार्वजनिक गरिने जनाएको छ

बैठकले स्थानीय जनप्रतिनिधिका लागि सिफारिस भएकाहरुको नाम प्रतिनिधिसभा, राष्ट्रियसभाको समानुपातिक सूचीबाट हटाउन निर्वाचन आयोगलाई पत्र लेख्ने निर्णय गरेको छ ।