काठमाडौं, ५ बैशाख । एबीसी मिडिया प्रालिद्वारा संचालित एबीसी टेलिभिजनको उप–महाप्रवन्धक तथा समाचार संयोजकमा डण्ड गुरुङ पुन नियुक्त हुनुभएको छ । एबीसी टेलिभिजनको केन्द्रीय कार्यालय न्यूप्लाजा काठमाडौंमा सोमवार आयोजित एक कार्यक्रमका बीच एबीसी टेलिभिजनका अध्यक्ष तथा प्रधानसम्पादक शुभशंकर कँडेलले उप–महाप्रवन्धक गुरुङलाई स्वागत गर्नुभयो ।

नव वर्ष २०७९को सुरुवातसगै उहाँ पुन उक्त जिम्मेवारीमा फर्कनुभएको हो ।उप–महाप्रवन्धक को पदभार ग्रहण गर्दै गुरुङले भन्नुभयो, ‘एवीसीको मुल मन्त्र अनुसार थप गुणस्तरिय समाचार संप्रेषणमा प्राथमिकता दिने बताउनुभयो ।

उप–महाप्रवन्धक तथा समाचार संयोजकमा दण्ड गुरुङलाई एबीसी टेलिभिजनका अध्यक्ष शुभशंकर कँडेल, प्रवन्ध निर्देशक शारदा शर्मा, महा प्रवन्ध निर्देशक पुर्णबहादुर जिसीले स्वागत गर्नुभएको थियो । स्वागत कार्यक्रममा अध्यक्ष कँडेलले पत्रकारिताको क्षेत्रमा लामो अनुभव बटुल्नुभएका उहाँसंग पुनः जोडिनु गौरवको विषय भएको बताउनुभयो ।

अध्यक्ष कँडेलले समाचार कक्षले नयाँ नेतृत्व पाएसँगै ब्यावसायिक पत्रकारितालाई अघि बढाउन अझ ठूलो मद्धत पुग्ने विश्वास व्यक्त गर्नुभयो । अध्यक्ष कँडेलले भन्नुभयो , ‘एबीसी टेलिभिजन खबरबाहकको रुपमा अझ द्रुत गतिका साथ अघि बढाउन नयाँ नेतृत्वको भूमिका महत्वपूर्ण हुने छ भन्ने विश्वास छ।’