काठमाडौं, २९ पुस – सर्वोच्च अदालतका प्रधानन्यायाधीश गोपाल पराजुलीको राजीनामा माग्दै अनशन थालेका डा. गोविन्द केसीले सरकार संग पाँच बुँदे सहमति भएपछि आज शनिबार अनशन तोड्दै छन् । गएको सोमबारदेखि अनशन बसेका डा. केसीले छैठौं दिनमा अनशन तोड्न लागेका हुन । बिहान १० बजे अनशन तोड्ने कार्यक्रम छ ।

शुक्रबार बेलुका शिक्षा मन्त्री दीपक बोहोरा नेतृत्वको टोलीसँग चिकित्सा शिक्षा अध्यादेशको दफा ५ बमोजिमको चिकित्सा शिक्षा आयोगलाई पूर्णता दिन दफा २३ बमोजिमको सिफारिस समिति एक हप्ताभित्र गठन गर्ने।

चिकित्साशास्त्र अध्ययन संस्थान आइओएममा जगदीशप्रसाद अग्रवाललाई नै निरन्तरता दिन त्रिभुवन विश्वविद्यालयका कुलपतिमार्फत सम्बन्धित निकायलाई निर्देशन दिने, आइओएमको खोसिएको अधिकार फिर्ता गर्ने सम्बन्धमा यस अगाडि गरिएका सम्झौता कार्यान्वयन गर्न त्रिविका कुलपतिले जटिसक्दो छिटो कदम चाल्ने लगायत पाँच बुँदे सहमति भएपछि केसी अनशन तोड्न सहमत भएका हुन ।